spot_img
Homeຂ່າວພາຍ​ໃນລັດ​ສັ່ງ​ຢຸດຕິ​​ນຳ​​ເຂົ້າ​​ອຸປະກ​ອນ ​ແລະ ຈານ​ດາວທຽມ​ທຸກ​ຊະນິ​ດຊົ່ວຄາວ

ລັດ​ສັ່ງ​ຢຸດຕິ​​ນຳ​​ເຂົ້າ​​ອຸປະກ​ອນ ​ແລະ ຈານ​ດາວທຽມ​ທຸກ​ຊະນິ​ດຊົ່ວຄາວ

Published on

ລັດ​ຖະບາ​ນໄດ້ອອກ​ແຈ້ງ​ການສັ່ງ​ຢຸດ​ຕິ​ການ​ນຳ​ເຂົ້າ​ອຸປະກອນ ​​ແລະ ​ຈານ​ດາວ​ທຽມທຸກ​ຊະນິດຊົ່ວຄາວ​, ພາຍຫລັງກວດ​ພົບ​ວ່າມີ​ການ​ນຳ​​ເຂົ້າ​ເຄື່ອງ​ປະ​ເພດ​ດັ່ງກ່າ​ວ​ແບບ​ບໍ່​ຖືກຕ້ອງ​ຕາມລະບຽບ​ກົດໝາຍ​ ແລະ ໄດ້ສົ່ງຜົນກະທົບ​ຕໍ່ຜູ້ລົງທຶນ​ພາຍ​ໃນ,​ ​​ຂະນະ​ດຽວ​ກັນກະຊວງຖະແຫລງຂ່າວ​, ວັດທະນະທຳ​ ແລະ​ທ່ອງ​ທ່ຽວ ​​ກໍ່ໄດ້ອອກ​ແຈ້ງການເຖິງ​ບັນ​ດາ​ຫົວໜ່ວຍ​ທຸລະ​ກິດ​ໃຫ້​​ປະ​ຕິ​ບັດ​, ສ່ວນ​ປະ​ຕູຂາ​ເຂົ້າທົ່ວ​ປະ​ເທດ ກົມພາສີ​​ກໍ່​ໄດ້ມີ​ແຈ້ງ​ການໃຫ້ສະກັດ​ກັ້ນ ແລະ ກວດກາ​​ເຂັ້ມ​ງວດ​ຕໍ່​ສິນຄ້າປະເພດ​ດັ່ງກ່າວ.

ຕາມ​ແຈ້ງການ​ຂອງ​ຫ້ອງ​ວ່າການ​ສຳນັກງານ​ນາຍົກລັດຖະມົນຕີສະບັບ​ເລກທີ 1989/ຫສນຍ.ກຄສ, ລົງ​ວັນ​ທີ 14 ທັນວາ​ 2017 ວ່າ: ​ໃຫ້​ຢຸດຕິ​ຊົ່ວຄາວ​ການ​ນຳ​ເຂົ້າ​ຈານ​ດາວ​ທຽມ ​ແລະ ​ອຸປະກອນ​ຮັບ​ສັນຍານ​ໂທລະ​ພາບ​ຜ່ານ​ດາວ​ທຽມ​ຂອງ​ຕ່າງປະ​ເທດ, ພ້ອມ​ມອບ​ໃຫ້​ກະຊວງ​ອຸດສາຫະກຳ​ ແລະ ​ການ​ຄ້າປະສານສົມທົບ​ກັບ​ຂະ​ແໜງ​ການ​​ກ່ຽວຂ້​ອງອື່ນໆໃນການກວ​ດກາ​ຄືນບັນດາ​ຫົວໜ່ວຍ​ທຸລະ​ກິດ​ທີ່​ນຳ​ເຂົ້າ ​ແລະ ​ຈຳໜ່າຍ​ກ່ອງ​ຮັບ​ສັນຍານ​ດາວ​ທຽມ ​ແລະ​ ຈານ​ດາວ​ທຽມ ວ່າ​ໄດ້​ຮັບອະນຸຍາດ​ ​ແລະ ​​​ໄດ້ເສຍ​ພາສີຢ່າງຖືກຕ້ອງຫລືບໍ່?, ພ້ອມທັງ​ໃຫ້​ຂື້ນ​ທະບຽນ​ວິ​ສາ​ຫະກິດ​ຖືກຕ້ອງ ​ແລະ ກວ​ດກາ​ວ່າຜະລິດ​ຕະພັນ​ທີ່ນຳ​ມາວາງ​ຂາຍ​ນັ້ນ​ໄດ້​ຕາມ​ມາດຕະຖານ​ທີ່​ກະຊວງ​ໄປສະນີ​, ໂທລະ​ຄົມມະນາຄົມ​ ​ແລະ ​ການ​ສື່ສານ​ກຳນົດຫລືບໍ່. ສ່ວນ​​ລາຍການ​ທີ່​ບັນຈຸຢູ່​​ໃນອຸປະກອນ​ຮັບ​ສັນຍານ​ໂທລະພາບ​ຜ່ານ​ດາວ​ທຽມ ຕ້​ອງ​ໄດ້​ຮັບ​ການ​ອະນຸ​ຍາດ​ຈາກ​ກະຊວງ​ຖະແຫລງຂ່າ​ວ, ວັດ​ທະນະ​ທຳ ​ແລະ ​ທ່ອງ​ທ່ຽວ​ເສຍ​ກ່ອນ.

ເພື່ອເປັນການປະຕິບັດແຈ້ງການຂອງຫ້ອງວ່າການໃຫ້ມີປະສິດທິຜົນດີຂຶ້ນ, ຫ້ອງການກະຊວງ​ຖະແຫລ່ງຂ່າ​ວ, ວັດ​ທະນະ​ທຳ​ ແລະ ​ທ່ອງ​ທ່ຽວ ກໍ່ອອກ​ແຈ້ງ​ການ​ສະບັບ​ເລກທີ 55/ຫກ, ລົງ​ວັນ​ທີ 1​ ກຸ​ມພາ 2018 ໂດຍລະບຸວ່າ: ບໍລິສັດ, ຫ້າງ​ຮ້ານ, ຕົວ​ແທນ​ຈຳ​ໜ່າຍ​ບຸກຄົນ, ນິຕິບຸກຄົນ ​ແລະ ​ອົງການຈັດ​ຕັ້ງ​ທຸກ​ພາກ​ສ່ວນ​ໃນ​ຂອບ​ເຂດ​ທົ່ວ​ປະ​ເທດ ທີ່​ເຮັດ​ທຸລະ​ກິດ​ດ້ານ​ການ​ນຳ​ເຂົ້າ​, ຈຳໜ່າຍແລະ​ ບໍລິການ​ຕິດ​ຕັ້ງ​ຈານ​ຮັບ​ດາວ​ທຽມ​ທຸກ​ຊະນິດ​ໃຫ້​ຢຸ​ດຕິ​ການ​ນຳ​ເຂົ້າ​ນັບ​ແຕ່​ວັນ​ທີ 1 ​ກຸມ​ພາ 2018 ​ເປັນ​ຕົ້ນ​ໄປ, ພ້ອມ​ທັງ​ເນັ້ນ​ໃຫ້​ຜູ້​ປະກ​ອບ​ການຢູ່​ນະຄອນຫລວງ​ໃຫ້​ມາແຈ້ງ​ຢູ່​ພະ​ແນ​ກດາວ​ທຽມກົມ​ສື່​ມວນ​ຊົນກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຫລື ​ພະ​ແນ​ກຖະແຫລງຂ່າວ, ​ວັດທະ​ນະ​ທຳ​ ແລະ ​ທ່ອງ​ທ່ຽວ ​ນະຄອນຫລວງ​ວຽງຈັນ. ສ່ວນ​ຢູ່​ຕ່າງ​ແຂວງ​ໃຫ້​ແຈ້ງ​ຢູ່​ພະ​​ແນ​ກຖະແຫລງຂ່າວ, ວັ​ດທະນະ​ທຳ​ ແລະ ​ທ່ອງ​ທ່ຽວ​ແຂວງ.

ແລະຫລ້າ​ສຸດ, ກົມ​ພາສີ​ກະຊວງ​ການ​ເງິນ​ກໍ​ອອກ​ແຈ້ງ​ການ​ຕື່ມອີກ​ ສະບັບເລກທີ 00634/ກພສ, ລົງ​ວັນ​ທີ 8 ​​ກຸມພາ 2018 ວ່າ: ​ໃຫ້ກອງ​ຄຸ້ມຄອງ​ພາສີ​ທົ່ວ​ປະ​ເທດຊີ້​ນຳ​ດ່ານ​ຊາຍ​ແດນ​ໃນ​ການ​ຄຸ້ມ​ຄອງ, ກວດກາການ​ນຳ​ເຂົ້າ​ສິນຄ້າ​ປະ​ເພດ​ຈານ​ດາວ​ທຽມ ​ແລະ ​ອຸປະກອນ​ເຄື່ອງຮັບ​ສັນຍານ​ໂທ​ລະ​ພາບ​ຜ່ານ​ດາວ​ທຽ​ມທຸກ​ຊະນິດຂອງ​ບຸກຄົນ​, ນິຕິບຸກຄົນ​, ອົງການ​ຈັດ​ຕັ້ງ​ທຸກ​ພາກສ່ວນ, ບໍລິສັດ​,ຫ້າງ​ຮ້ານ ​ແລະ ​ຕົວ​​ແທນ​ຈຳ​ໜ່າຍຜ່ານ​ດ່ານ​ພາສີ​ຊາຍ​ແດນ​ແມ່ນ​ໃຫ້​ໂຈະ​ການນຳ​ເຂົ້າ​ຊົ່ວຄາວ, ຖ້າ​​ຕ້ອງການນຳ​ມາ​ເພື່ອ​ຊົມ​ໃຊ້​ ແລະ​ ຈຳໜ່າຍ​ພາຍ​ໃນ​ຕ້ອງ​​ໄດ້​ຮັບ​ອະນຸຍາດ​ຈາກ​ຂະ​ແໜງ​ການ​​ກ່ຽວ​ຂ້ອງ​ເສຍ​ກ່ອນ. ທັງ​ນີ້​ກໍເພື່ອ​ປັບ​ເຂົ້າ​ສູ່​ລະບົບ ​ແລະ ​ຫັນ​ເປັນ​ນິຕິ​ກຳ​ນຳ​ໃຊ້ເຂົ້າ​ໃນ​ການບໍລິການ ​ແລະ ​​ການ​ຄຸ້ມ​ຄອງລະ​ບົບດາວ​ທຽວ​ລາວ​ໃຫ້​ສຳ​ເລັດຕາມ​ແຜນວາງໄວ້.

 

ແຫລ່ງຂ່າວ: ລາວພັດທະນາ.

ບົດຄວາມຫຼ້າສຸດ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີ

ສະຫຼຸບການປະຊຸມທະວີພາຄີຄັ້ງປະຫວັດສາດ ທຣຳ-ປູຕິນ ຄັ້ງທຳອິດໃນຮອບ 10 ປີໃນແຜ່ນດິນສະຫະລັດ ທີ່ອາລາສກາ ເຊິ່ງການປະຊຸມຄັ້ງນີ້ຍັງບໍ່ມີການບັນລຸຂໍ້ຕົກລົງກັນ ແຕ່ການເຈລະຈາເປັນໄປໄດ້ດ້ວຍດີ ແລະ ມີຄວາມຄືບໜ້າ ເຊິ່ງທ່ານ ໂດນັລ ທຣຳ ກຽມໂທຫາ...

ຝົນມໍລະສຸມ! ປາກີສະຖານປະເຊີນ ນ້ຳປ່າໄຫຼຊຸ ແລະ ດິນເຈື່ອນຖະຫຼົ່ມ ຫຼ້າສຸດມີປະຊາຊົນເສຍຊີວິດຢ່າງນ້ອຍ 344 ຄົນ.

ປາກີສະຖານປະເຊີນນ້ຳປ່າຖ້ວມຊຸ ແລະ ດິນຖະຫຼົ່ມ ເນື່ອງຈາກຝົນຕົກໜັກ ເຮັດໃຫ້ປະຊາຊົນເສຍຊີວິດຢ່າງນ້ອຍ 344 ຄົນ. ສຳນັກຂ່າວຕ່າງປະເທດລາຍງານໃນວັນທີ 17 ສິງຫາ 2025 ຜ່ານມານີ້ວ່າ: ປາກີສະຖານປະເຊີນກັບສະພາບຝົນຕົກໜັກຕໍ່ເນື່ອງເຮັດໃຫ້ເກີດນ້ຳປ່າໄຫຼຊຸ  ແລະ ດິນຖະຫຼົ່ມ...

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...