ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມື່ອວັນທີ 13 ກຸມພາ 2018 ວ່າ ປະທານາທິບໍດີ ໂດນັລ ທຣັມ ກ່າວເມື່ອວັນອັງຄານວ່າເຂົາກຳລັງພິຈາລະນາ ທຸກມາດຕະການທີ່ເປັນໄປໄດ້ ທີ່ຮວມເຖິງການຂຶ້ນບັນຊີ ແລະ ຈຳກັດໂຄຕ້າຂອງອະລູມິນຽມ ແລະ ເຫຼັກກ້າຈາກຈີນ ເນື່ອງຈາກລັດຖະບານປັກກິ່ງໃຊ້ນະໂຍບາຍອຸດໜູນລາຄາ ແລະ ລົງທຶນໃນຕະຫຼາດສິນຄ້າທັງສອງຊະນິດນີ້ ຫຼາຍເກີນໄປ
ທັງນີ້ຈີນ ແລະ ເກົາຫຼີໃຕ້ ລ້ວນຢູ່ໃນບັນຊີລາຍຊື່ 16 ປະເທດ ທີ່ລັດຖະບານທຣັມລະບຸວ່າ ເອົາປຽບ ດ້ານການຄ້າກັບສະຫະລັດ ໂດຍການແກ້ໄຂການຂາດດຸນການຄ້າເປັນໜຶ່ງໃນວາລະແຫ່ງຊາດ ທີ່ຜູ້ນຳສະຫະລັດໃຫ້ຄຳໝັ້ນສັນຍາໄວ້ຕັ້ງແຕ່ຊ່ວງໄລຍະຫາສຽງ