ເປັນນັກແລ່ນສາວທີ່ມາແຮງທີ່ສຸດໃນໄລຍະນີ້ ສຳລັບ ລົດແກ້ວ ອິນທະກຸມມານ ນັກແລ່ນ-ລານ ຍິງລາວ ທີ່ຫາກໍໄປຄວ້າອັນດັບ 2 ຈາກລາຍການແລ່ນ “Amazing Thailand Marathon Bangkok 2018” ເມື່ອວັນທີ 4 ກຸມພາ ຜ່ານມາ ທີ່ນະຄອນຫຼວງບາງກອກ ປະເທດໄທ ເປັນເຈົ້າພາບ ໃນລາຍການ 10 ກິໂລແມັດຍິງ.

ຫຼັງຈາກທີ່ ລົດແກ້ວໄດ້ລາງວັນດັ່ງກ່າວມາແລ້ວ ກໍບໍ່ລໍຊ້າ ປະຕິບັດຕາມຄຳໝັ້ນສັນຍາທີ່ເຄີຍໃຫ້ໄວ້ ເຊິ່ງນາງໄດ້ ປະກອບສ່ວນບໍລິຈາກສົມທົບທຶນ 10% ຂອງເງິນລາງວັນທີ່ໄດ້ຈາກການແຂ່ງຂັນ ຊ່ວຍເຫຼືອສ້າງໂຮງຮຽນໃຫ້ນ້ອງໆທີ່ບ້ານກັດ ເມືອງໄຊ ແຂວງອຸດົມໄຊ.