(ຮິບໂຮມຂໍ້ມູນໂດຍ ລາວໂພສຕ໌.ຄອມ) ໄລຍະນີ້ ປາກົດເຫັນອາຫານປອມຂ້ອນເລື້ອຍທາງສື່ສັງຄົມອອນລາຍ ມື້ນີ້ກໍເລີຍໄປຊອກຫາອາຫານປອມມາໃຫ້ເບິ່ງ 10 ຢ່າງ (ຄວາມຈິງແລ້ວຂອງປອມມີຫຼາຍກວ່ານີ້ ແຕ່ໄດ້ເລືອກເອົາມາສະເໜີພຽງ 10 ຢ່າງເທົ່ານັ້ນ) ອາຫານປອມໃນທີ່ນີ້ບໍ່ໄດ້ໝາຍເຖິງການເອົາເຕົ້າຫູ້ມາເຮັດຄືກັນກັບອາຫານເຈເດີ ແຕ່ນີ້ແມ່ນເອົາສ່ວນປະກອບຫຼາຍຢ່າງມາເຮັດເຊິ່ງອາຫານປອມສ່ວນຫຼາຍປະກອບດ້ວຍສານເຄມີທີ່ເປັນອັນຕະລາຍຕໍ່ສຸຂະພາບ. ວ່າແລ້ວເຮົາມາເບິ່ງນຳກັນວ່າອາຫານປອມ 10 ຢ່າງນີ້ ປະກອບດ້ວຍຫຍັງແດ່?
1. ຊີ້ງົວປອມ ອັນນີ້ແມ່ນເອົາຊີ້ນໝູມາປອມເປັນຊີ້ນງົວ ໂດຍນຳໃຊ້ສານຊະນິດໜຶ່ງເອືອບ ໃຊ້ເວລາ 90 ນາທີ ຈາກຊີ້ນໝູກໍກາຍມາເປັນຊີ້ນງົວປອມ ແຕ່ເປັນອັນຕະລາຍຕໍ່ສຸຂະພາບ.
2. ຫູໝູປອມ ອັນນີ້ເຮັດມາຈາກເຈລາຕິນທີ່ໃຊ້ໃນອຸດສາຫະກຳເຄື່ອງໜັງປະສົມກັບ ສານໂຊດຽມໂອລິເອດທີ່ໃຊ້ຜະລິດສະບູ ເຊິ່ງສານນີ້ມີຜົນຕໍ່ຄວາມດັນເລືອດແລະການເຮັດວຽກຂອງຫົວໃຈ.
3. ໄຂ່ປອມ ອັນນີ້ໄດ້ຍິນມາດົນເຕີບແລ້ວເນາະ ໄຂ່ປອມເຮັດຂຶ້ນດ້ວຍຫຼາຍສານ ຄື ຫິນສົ້ມ, ໂຊດຽມ, ອັລຈິເນຕ, ແຄນຊຽມຄລໍຣາຍ ແລະໂຊດຽມເບນໂຊເອທ. ສ່ວນມອນໄຂ່ນັ້ນຍ້ອມສີດ້ວຍ ເກືອ ແລະເອສເຕີຂອງກົດທາທາຣິກ ເອຊິດ ທີ່ເຮັດໃຫ້ເຄື່ອງດື່ມມີຟອງ ໃສ່ໃນເຂົ້າໜົມຟູ ລວມທັງໃຊ້ໃນອຸດສາຫະກຳຖ່າຍຮູບ ແລະຟອກໜັງນຳ ແລະເປືອກໄຂ່ປອມແມ່ນເຮັດມາຈາກສານແຄນຊ່ຽມຄາໂບເນຕ.
4. ຫ່ານປອມ ແມ່ນເຮັດມາຈາກເປັັດ ໂດຍການຕັດສິ້ນສ່ວນຕ່ອນຊີ້ນມາຫຍັດໃສ່ຫົວເປັດເພື່ອໃຫ້ມີຫົວຄືກັບຫ່ານ ແລ້ວຈະໄດ້ລາຄາດີກວ່າເປັດ ອັນນີ້ກິນແລ້ວບໍ່ເປັນອັນຕະລາຍໃດໆ ໄຄແດ່ມີແຕ່ຖືກໂກງເລື່ອງລາຄາ.
5. ປາໝຶກເສັ້ນປອມ ຂ່າວນີ້ຫາກໍເກີດຂຶ້ນວ່າງເດືອນກ່ອນ ເປັນການໄປກວດເຫັນຂອງຕຳຫຼວດ. ປາໝຶກປອມເຮັດມາຈາກປະລາສະຕິກແຊ່ສານເຄມີ ແຊ່ນ້ຳເກືອ ແຕ່ງກິ່ນແລ້ວເອົາມາເຂົ້າເຄື່ອງອິ້ວ ເບິ່ງດ້ວຍຕາເປົ່າບໍ່ຮູ້ດອກທ່ານຜູ້ອ່ານ ຕ້ອງກິນເບິ່ງຫຼືບໍ່ກໍຈູດເບິ່ງ ເວົ້າມາລະຄິດຮອດເຊືອກຟາກເກົ່າເນາະຄ້າຍໆຢູ່ໄດ.
6. ໄກ່ປອມ ໄກ່ປອມແມ່ນເຮັດມາຈາກໜູ ບໍ່ແມ່ນປອມຄືຫ່ານປອມ ແຕ່ອັນນີ້ແມ່ນເອົາໝູມາຕັດເປັນຕ່ອນ ຈືນຫຼືປຸງເປັນອາຫານ ຖ້າສັງເກດດີໆ ຈະຮູ້ວ່າບໍ່ແມ່ນໄກ່. ອັນນີ້ບໍ່ເປັນອັນຕະລາຍຕໍ່ສຸຂະພາບ ແຕ່ຜູ້ບໍ່ກິນໜູກໍບໍ່ຄ່ອຍເຫັນດີນຳປານໃດ ລວມທັງສັ່ງໄກ່ພັດໄດ້ໜູມາກິນແທນ.
7. ເຂົ້າປອມ ເຂົ້າປອມນີ້ໄດ້ເຫັນສົ່ງຕໍ່ກັນທາງສື່ສັງຄົມອອນລາຍວາງບໍ່ດົນມານີ້ເອງ ເຂົ້າປອມນີ້ເຮັດແມ່ນເອົາມັນຝຣັ່ງມາບົດ ແລ້ວເອົາມາປະສົມກັບເຣຊິ່ນສັງເຄາະ (ຫຼືປະລາສະຕິກແຫຼວເມື່ອເອົາມາປະສົມສານເຮັດໃຫ້ແຂງໂຕຈະກັບໂຕແຂງ)ຕໍ່ມາ ກໍຈະນຳເອົາມາອັດເປັນເມັດດ້ວຍເຄື່ອງ ອັດເມັດໃຫ້ມີລັກສະນະທີ່ຄືກັນກັບຮູບຮ່າງຂອງເມັດເຂົ້າແທ້ໆ ເຊິ່ງເຂົ້າສານປອມດັ່ງກ່າວ ເມື່ອເອົາໄປຫຸງຈະມີລັກສະນະແຂງກວ່າເຂົ້າທຳມະດາຈະບໍ່ເລະຫຼືແຫຼວເມື່ອຫຸງສຸກ ເຊິ່ງບໍ່ມີປະໂຫຍດຫຼືຄຸນຄ່າທາງອາຫານ ແຕ່ທີ່ເປັນຕາຢ້ານກວ່ານັ້ນແມ່ນ ສານເຄມີ ທີ່ນຳມາໃຊ້ໃນຂະບວນການຜະລິດເຂົ້າປອມ.
8. ໜໍ່ໄມ້ປອມ ໄດ້ຍິນມາແຕ່ດົນແລ້ວ ອັນນີ້ແມ່ນເຮັດມາຈາກໄມ້ຖູ່ເກົ່າ ແລ້ວເອົາມາແຊ່ສານເຄມີຊະນິດໜຶ່ງ ເຮັດໃຫ້ໄມ້ຖູ່ນັ້ນອ່ອນນຸ້ມຄ້າຍຄືໜໍ່ໄມ້ ແລ້ວປຸງເປັນອາຫານ ເລື່ອງລົດຊາດຄືຊິແຊບ ແຕ່ເຄື່ອງປອດໄພຢ່າຖາມເຖິງ.
9. ສາຫຼ່າຍປອມ ອັນນີ້ແມ່ນເຮັດມາຈາກຖົງຢາງປະລາສະຕິກເກົ່າ ອາດຈະແຊ່ສານເຄມີກໍໄດ້ ເພາະກະໂຕສາຫຼ່າຍອົບແຫ້ງຂອງແທ້ເຮົາເບິ່ງກໍຍັງຄືຖົງຢາງຂາດແລ້ວ ທີເອົາຖົງຢາງຂາດມາປອມເປັນສາຫຼ່າຍກໍເລີຍເບິ່ງບໍ່ອອກ.
10. ຊີອິ້ວປອມ ອັນນີ້ທັງອັນຕະລາຍທັງເປັນຕາຂີ້ດຽດທີ່ສຸດ ເພາະວິທີການຜະລິດຂອງເຂົາແມ່ນ ໄປເກັບເອົາເສັ້ນຜົມມາຈາກບ່ອນຕ່າງໆ ເຊັ່ນ ຮ້ານຕັດຜົມ, ຖັງຂີ້ເຫຍື້ອ, ໂຮງໝໍ ເມື່ອໄດ້ເສັ້ນຜົມມາແລ້ວກໍທຳຄວາມສະອາດຄັກແນ່, ແຍກເສດຂີ້ເຫຍື້ອແນວອື່ນອອກ ແລ້ວກໍມາຕັດໃຫ້ມຸ່ນ ແລະເອົານ້ຳເຊື່ອມກົດອະມິໂນມາໝັກເພື່ອເຮັດເປັນນ້ຳຊີອິ້ວຕໍ່ໄປ.
ທ່ານຜູ້ອ່ານຮູ້ບໍວ່າ ຂອງປອມທັງໝົດນີ້ແມ່ນເຮັດຂຶ້ນໃນປະເທດຈີນທັງນັ້ນ !! ກ່ອນຈະກິນຫຍັງທີ່ນຳເຂົ້າຈາກຕ່າງປະເທດກໍຂໍໃຫ້ລະມັດລະວັງແດ່ເດີ!!