SpaceX ໄດ້ປະກາດກຽມພ້ອມສຳລັບການທົດລອງປ່ອຍຈະຫຼວດ Falcon Heavy ຄັ້ງທຳອິດ ເຊິ່ງມີເປົ້າໝາຍຈະຜັກດັນໃຫ້ຈະຫຼວດນີ້ກາຍເປັນຈະຫຼວດທີ່ມີປະສິດທິພາບຫຼາຍທີ່ສຸດໃນໂລກ ທີ່ສາມາດສົ່ງມະນຸດໄປທີ່ດວງຈັນ ຫຼື ດາວອັງຄານໄດ້ໃນອານາຄົດ

ດ້ານທ່ານ Jason Davis ຈາກອົງການ Planetary Society ກໍ່ໄດ້ກ່າວທົດສອບຈະຫຼວດຄັ້ງທຳອິດນີ້ຖືເປັນ “ເລື່ອງທີ່ໃຫຍ່ ເຖິງຈະເປັນພາລະກິດຂອງອົງການທີ່ປະສົບຄວາມສຳເລັດໃນເລື່ອງໃຫຍ່ເປັນປະຈຳຢຸ່ແລ້ວກໍ່ຕາມ” ພ້ອມທັງຮຽນ Falcon Heavy ວ່າມັນຄື “ຕຳນານ” ການທົດສອບຄັ້ງນີ້ມີກຳນົດເວລາ 13.30 ນາທີ ທີ່ແຫຼມຄະແນເວີຣັລ ໃນລັດຟໍລິດາ ປະເທດສະຫະລັດອາເມລິກາ Falcon Heavy ມີສ່ວນປະກອບຫຼັກຄືຈະຫຼວດ Falcon 9 ຈຳນວນ 3 ລຳ ແລະ ເຄື່ອງຍົນ Merlin ຈຳນວນ 27 ເຄື່ອງ ຈະຫຼວດນີ້ໄດ້ຮັບການອອກແບບມາເພື່ອບັນທຸກວັດຖຸທີ່ມີນ້ຳໜັກລວມເກືອບ 64 ເມດຣິກຕັນ ເຂ້າສູ່ວົງໂຄຈອນຫຼາຍກວ່ານ້ຳໜັກຂອງເຮືອບິນໂບອິ້ງ 737 ທີ່ບັນທຸກເຄື່ອງມາເຕັມລຳ