ສະໄໝນີ້ ຄົນສ່ວນຫນຶ່ງທີ່ຫັນມາໃສ່ໃຈສຸຂະພາບກັນຫລາຍຂຶ້ນ ອັນນີ້ກໍດີຢູ່ແລ້ວ ແຕ່ອີກສ່ວນຫນຶ່ງນັ້ນກໍເອີ້ນວ່າ ບໍ່ໃສ່ໃຈສຸຂະພາບເລີຍ ມີການໃຊ້ຊີວິດແບບປ່ອຍໄປຕາມມີຕາມເກີດ ແບບນີ້ບໍ່ໄດ້ແລ້ວ ເພາະການໃຊ້ຊີວິດປະຈຳວັນຂອງເຮົານີ້ແຫລະ ທີ່ຈະບອກໄດ້ເລີຍວ່າ ເຮົາຈະມີອາຍຸຍື່ນພຽງໃດ ຖ້າຈັ່ງຊັ້ນເຮົາມາເບິ່ງພຶດຕິກຳທີ່ເຮັດໃຫ້ ອາຍຸສັ້ນ!ກັນເລີຍ
- ການນອນເດິກ
ກ່ອນອື່ນເລີຍ ຄື ການນອນເດິກ ບໍ່ວ່າຈະໄປທ່ຽວມາ ເຮັດວຽກເລີກຊ້າ ຕິດລະຄອນ ຫລື ເບິ່ງເຕະບານ ກໍຕາມ ການນອນເດິກນັ້ນ ເຮັດໃຫ້ບໍ່ມີຮໍໂມນຕ້ານມະເຮັງຫລັ່ງອອກມາ ນອກຈາກນັ້ນແລ້ວ ຈະຍິ່ງເຮັດໃຫ້ເກີດພະຍາດຮ້າຍອື່ນໆ ໄດ້ອີກ ເຊັ່ນ ຄວາມດັນເລືອດສູງ ໄຂມັນສູງ ແລະ ພະຍາດຕຸ້ຍ ເພາະຄົນນອນເດິກກໍມັກຈະຢາກກິນກິນນີ້ຫລາຍຂຶ້ນ ຍິ່ງງ່າຍຕໍ່ການກິນກາງຄືນ
- ສູບຢາ ແລະ ກິນເຫລົ້າ
ອັນນີ້ແນ່ນອນຢູ່ແລ້ວວ່າ ທັງສອງສິ່ງນີ້ເປັນຜົນເສຍກັບອະໄວຍະວະພາຍໃນ ແລະພາຍນອກຂອງຮ່າງກາຍ ເພາະປອດ ແລະ ຕັບຈະເຮັດວຽກໜັກ ເປັນຜົນໃຫ້ເຖົ້າໄວແລະ ເປັນມະເຮັງນໍາມາ ເພາະສະນັ້ນເຮົາຈຶ່ງຄວນຫລຸດ ແລະ ເຊົາຊະຕັ້ງແຕ່ຕອນນີ້ ເພື່ອສຸຂະພາບທີ່ດີຂອງເຮົາ
- ມັກກິນແຕ່ໄຂມັນ
ເພາະໄຂມັນ ແລະ ໂປຕີນຈາກຊີ້ນນັ້ນ ເປັນແຫລ່ງອາຫານຊັ້ນໜຶ່ງຂອງມະເຮັງ ທີ່ຈະເຮັດໃຫ້ເຊວມະເຮັງເຕີບໃຫ່ຍໄດ້ ຊ້ຳບໍ່ໜໍ່າຍັງຕຸ້ຍອີກ
- ມີຄວາມເຄັ່ງຄຽດຫລາຍ
ເພາະຫາກມີຄວາມທຸກ ເຊິ່ງເປັນສານຊະນິດໜຶ່ງທີ່ຊ່ວຍໃນການຈະເລີນເຕີບໂຕຂອງມະເຮັງໄດ້ຢ່າງດີ ນອກຈາກຈະເປັນເລື່ອງຂອງມະເຮັງແລ້ວ ຄວາມເຄັ່ງຄຽດນັ້ນຈະ ບັ່ນທອນໃນທຸກການກະທຳຂອງເຮົາອີກ ມີຜົນໄປເຖິງໜ້າໝອງຄ້ຳດຳ ບໍ່ສົດໃສນໍາ
- ຮ່າງກາຍຂາດວິຕາມິນ
ເພາະວິຕາມິນຕ່າງໆ ຈະເຮັດຫນ້າທີ່ຕ້ານເຊື້ອມະເຮັງໄດ້ຢ່າງດີ ແລ້ວຖ້າຫາກຮ່າງກາຍຂາດວິຕາມິນເຫລົ່ານີ້ ກໍຈະບໍ່ມີຫຍັງສູ້ກັບມັນໄດ້ ເພາະສະນັ້ນຄວນໝັ່ນກິນຜັກຫມາກໄມ້ທີ່ມີວິຕາມິນໃຫ້ເຂົ້າສູ່ຮ່າງກາຍເປັນປະຈຳ
- ກິນຂອງຮ້ອນຫລາຍເກີນໄປ
ການຫູບຊາຮ້ອນ ຫລື ກາເຟຮ້ອນນັ້ນ ຈະໄປລວກໃຫ້ເຊວຫລອດອາຫານອັກເສບ ແລະ ເມື່ອອັກເສບແລ້ວກໍມີໂອກາດປ່ຽນໄປເປັນເຊວມະເຮັງ ແບບນັ້ນແລ້ວ ຄວນຫລີກລ້ຽງ ແລະ ຄວນລໍຖ້າໃຫ້ຂອງຮ້ອນແລ້ວນັ້ນ ຢູ່ໃນລະດັບທີ່ພໍດີອຸ່ນ
- ອົດຖ່າຍເບົາ
ນ້ຳຍ່ຽວເປັນຂອງເສຍ ຍິ່ງຢູ່ນິ່ງເປັນເວລາດົນຈາກການອົດມັນ ຈະເຮັດໃຫ້ກະເພາະຍ່ຽວຂອງເຮົາສະສົມສິ່ງເນົ່າເສຍເຫລົ່ານີ້ ກໍ່ໃຫ້ເກີດມະເຮັງໄດ້ ແລ້ວຍັງເຮັດໃຫ້ເຮົາເປັນພະຍາດກະເພາະຍ່ຽວອັກເສບໄດ້ນໍາອີກ
- ມັກກິນເຄັມ
ສິ່ງມີຊີວິດທີ່ກິນອາຫານເຄັມ ມີອັດຕາການເກີດມະເຮັງສູງກວ່າໝູ່ ໂດຍສະເພາະໃນອາຫານຈຳພວກຊີ້ນສົດ ຊີ້ນແຫ້ງ ເປັນຕົ້ນ ດັ່ງນັ້ນຄວນປັບປ່ຽນພຶດຕິກຳການມັກກິນເຄັມ ໃຫ້ຫລຸດໜ້ອຍລົງ ກ່ອນທີ່ຈະສວາຍເກີນໄປ
- ຕາກແດດຫລາຍເກີນໄປ
ແສງແດດເປັນລັງສີທີ່ກະຕຸ້ນເຊວໃຫ້ແບ່ງຕໍ່ໄປຢ່າງບໍ່ຢັບຢັ້ງກາຍເປັນກ້ອນໃຫຍ່ຂຶ້ນໄດ້ ຢ່າງນັ້ນແລ້ວຈຶ່ງຄວນຫລີກລ້ຽງການປະເຊີນກັບແດດທີ່ແຮງກ້າ ຫາວິທີປ້ອງກັນໂດຍການທາຄີມກັນແດດ ໃສ່ເສື້ອຜ້າປົກຄຸມກໍໄດ້