ທາງການຝຣັ່ງ ກຽມພ້ອມກັບໄພພິບັດນໍ້າຖ້ວມຄັ້ງໃຫຍ່ ໃນເມືອງຫລວງ ປາຣີ ຫວັ່ນຢ້ານເປັນແບບເຫດການດັ່ງ 2ປີທີ່ຜ່ານມາ ຫລັງຈາກລະດັບນໍ້າໃນແມ່ນໍ້າແຊນ ສູງຂື້ນຢ່າງຕໍ່ເນື່ອງ ຈົນເຮັດໃຫ້ເຮືອທ່ອງທ່ຽວແມ່ນໍ້າແຊນ ບາໂຕມູສ Bateaux Mouches ຕ້ອງໄດ້ຢຸດໃຫ້ການບໍລິການ ແລະ ຕ້ອງປິດ ພື້ນທີ່ໃຕ້ດິນຂອງພິພິທະພັນລູຟ (Lourve) ທີ່ເປັນພິພິທະພັນສະແດງງານສິລະປະຂອງອິດສະລາມແລ້ວ.

ວັນທີ 28 ມັງກອນ 2018 ສຳນັກຂ່າວລອຍເຕີ້ ອອກສຳຫລວດໄດ້ລາຍງານຄວາມຄືບຫນ້າຂອງສະຖານະການນໍ້າຖ້ວມໃນເມືອງຫລວງປາຣີ ຫລັງຈາກຝົນຕົກຫນັກຕໍ່ເນື່ອງ ເຮັດໃຫ້ລະດັບນໍ້າໃນແມ່ນໍ້າແຊນທີ່ໄຫລຜ່ານເມືອງຫລວງຝຣັ່ງ ຂື້ນສູງເກືອບຮອດຝັ່ງ ລະດັບນໍ້າສູງຂື້ນຕໍ່ເນື່ອງ ແລະ ຄາດວ່າຈະຂື້ນສູງສຸດ. ຈົນລັດຖະບານຕ້ອງອອກມາເຕືອນປະຊາຊົນກຽມພ້ອມຮັບມືຄວາມສ່ຽງທີ່ຈະເກີດຂື້ນຈາກໄພນໍ້າຖ້ວມຄັ້ງໃຫຍ່ນີ້.

ຊີເອັນເອັນ CNN ລາຍງານຄາດການວ່າ ແມ່ນໍ້າແຊນຍັງຈະສູງຮອດ 5,95 ແມັດ ຈາກລະດັບນໍ້າທີ່ສູງຂື້ນ ຈາກ 5,8 ແມັດ.

ແຫລ່ງຂ່າວຕ່າງປະເທດ TRN