spot_img
Homeຂ່າວການພັດທະນາ ຮ່ອງລະບາຍນ້ຳຕາມທາງຫລາຍສາຍໃນຕົວເມືອງບໍ່ໄດ້ມາດຕະຖານ

ຮ່ອງລະບາຍນ້ຳຕາມທາງຫລາຍສາຍໃນຕົວເມືອງບໍ່ໄດ້ມາດຕະຖານ

Published on

 

ມີຄຳຖາມເກີດຂຶ້ນບໍ່ໜ້ອຍວ່າ ເປັນຫຍັງຫລາຍເສັ້ນທາງທີ່ກໍ່ສ້າງໃໝ່ໃນຕົວເມືອງ ຈຶ່ງມີນ້ຳຖ້ວມອັ່ງຫລາຍ ເມື່ອ

ເວລາຝົນຕົກລົງມາ? ຕົວຢ່າງຄືສະພາບຝົນຕົກຢູ່ນະຄອນຫລວງວຽງຈັນ ເມື່ອສອງວັນຜ່ານມາ, ໄດ້ເຮັດໃຫ້ເກີດ

ມີນ້ຳຖ້ວມອັງຕາມເສັ້ນທາງຫລາຍສາຍ ແລະ ໄຫລເຂົ້າຖ້ວມເຮືອນຊານປະຊາຊົນຫຼາຍຫລັງໃນເສັ້ນທາງໂພນຕ້ອງ,

ສາຍລົມ, ດົງໂດກ, ທາດຫລວງ, ທາດຂາວ, ສວນມອນ ແລະ ເຂດອື່ນໆ, ອັນໄດ້ສ້າງຄວາມເສຍຫາຍຕໍ່ຊັບສິນ ແລະ

ສົ່ງຜົນກະທົບຕໍ່ການສັນຈອນໃນຕົວເມືອງບໍ່ໜ້ອຍ ແລະ ນັກຂ່າວພວກເຮົາໄດ້ເອົາບັນຫາທີ່ສັງຄົມສົນໃຈນີ້ ໄປ

ຖາມທ່ານ ວິໄລສິດ ສີລາວົງ ຮອງອຳນວຍການ ບໍລິສັດ ແພງຄຳມີກໍ່ສ້າງຂົວທາງສ້ອມແປງຄົບວົງຈອນ, ເຊິ່ງໄດ້ຮັບ

ມອບໝາຍຈາກອົງການພັດທະນາ ແລະ ບໍລິຫານຕົວເມືອງ (ອພບ) ນະຄອນຫລວງວຽງຈັນ ດຳ ເນີນການອານາ

ໄມຮ່ອງລະບາຍນ້ຳໃນຕົວເມືອງ ເພື່ອຫລຸດຜ່ອນບັນຫານ້ຳຖ້ວມຂັງຕາມຕົວເມືອງໃນປັດຈຸບັນ, ໂດຍທ່ານຕອບວ່າ:

ບັນຫາຕົ້ນຕໍທີ່ພາໃຫ້ເກີດນ້ຳຖ້ວມຂັງຄື: ການອອກແບບກໍ່ສ້າງຮ່ອງລະບາຍນ້ຳບໍ່ໄດ້ມາດຕະຖານ (ຮ່ອງນ້ຳນ້ອຍ)

ເຮັດໃຫ້ອຸດຕັນໄດ້ງ່າຍ ແລະ ມີຄວາມຫຍຸ້ງຍາກໃນການເຮັດອະນາ ໄມ, ຫລາຍເສັ້ນທາງແມ່ນເຕັມ ແຕ່ຂີ້ດິນ-ຂີ້ຝຸ່ນ

ທີ່ຕິດມານຳຕີນລົດບັນທຸກຕ່າງໆ ແລ້ວກໍໄຫລລົງໄປເຕັມອັດຮ່ອງນ້ຳ ແລະ ພາກລັດກ່ຽວຂ້ອງກໍບໍ່ໄດ້ເຮັດການອະ

ນາໄມເສັ້ນທາງເປັນປົກກະຕິທຸກປີ ແລະ ການມີສະຕິເປັນເຈົ້າການຕື່ນຕົວຂອງສັງຄົມ ໃນການອານາໄມເສັ້ນທາງ

ແມ່ນຍັງບໍ່ທັນສູງ, ສ່ວນຫລາຍຍັງລໍຖ້າໃຫ້ແຕ່ພາກລັດກ່ຽວຂ້ອງມາອານາໄມໃຫ້ ແລະ ເສັ້ນທາງໃດ ຫາກພາກລັດ

ບໍ່ໄປຮອດໄປເຖິງໃນການອະນາໄມ ກໍແມ່ນຖືກປະປ່ອຍໃຫ້ມີການສະສົມຂີ້ດິນຕາມຂອບທາງເພີ່ມຫລາຍຂຶ້ນນັບມື້.

 

ທ່ານ ວິໄລສິດ ກ່າວວ່າ: ປັດຈຸບັນ ບໍລິສັດຕົນ ພວມຈັດຕັ້ງປະຕິບັດການອະນາໄມຮ່ອງລະບາຍນ້ຳຕາມແຄມທາງ

ຫລາຍຈຸດໃນຕົວເມືອງ ທີ່ເຫັນວ່າເກີດນ້ຳຖ້ວມຂັງໜັກໜ່ວງ, ເຊິ່ງແມ່ນ ອພບ ເປັນຜູ້ກຳນົດຈຸດຄື ເສັ້ນທາງເຕ

4 ແຕ່ສີ່ແຍກໄຟແດງທາດຫລວງ ຫາຄອງຊົນລະປະທານຮ່ອງແຊງບ້ານຮ່ອງແກ, ສາມແຍກຕີນຄອຍໂພນຕ້ອງ

ປະມານ 200 ແມັດ, ສາມແຍກໄຟແດງສາຍລົມຫາສີ່ແຍກໄຟແດງໄອໂມບາຍ ແລະ ເສັ້ນທາງຕໍ່ໜ້າລາວໂທລະຄົມ

ຮອດເສັ້ນທາງດ້ານຫລັງຕະຫລາດ ທົ່ງຂັນຄຳ ແລະ ເສັ້ນທາງອື່ນໆເຊິ່ງໄດ້ເລີ່ມລົງມືມາແຕ່ກາງເດືອນສິງຫາເປັນ

ຕົ້ນມາ ແລະ ຄາດວ່າຈະໃຫ້ສຳເລັດໃນກາງເດືອນກັນຍານີ້.

 

ແຫຼ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...