Homeຂ່າວພາຍ​ໃນລັດຖະບານລາວ ຍັງຂາດງົບປະມານ ເພື່ອກໍ່ສ້າງ ຂົວຂ້າມແມ່ນໍ້າຂອງ ແຫ່ງທີ 5

ລັດຖະບານລາວ ຍັງຂາດງົບປະມານ ເພື່ອກໍ່ສ້າງ ຂົວຂ້າມແມ່ນໍ້າຂອງ ແຫ່ງທີ 5

Published on

ໂຄງການກໍ່ສ້າງຂົວຂ້າມນໍ້າຂອງແຫ່ງທີ 5 ລະຫວ່າງ ລາວ-ໄທ ຍັງບໍ່ສາມາດດຳເນີນການໄດ້ ເພາະລັດຖະບານ ລາວ ຍັງບໍ່ມີງົບປະມານ ແຕ່ຄາດວ່າຈະໄດ້ຮັບການສະໜັບສະໜູນຈາກ ໄທ ໃນໄວໆນີ້.

ທ່ານ ອາຄົມ ເຕີມພິດທະຍາໄພສິດ ລັດຖະມົນຕີວ່າການກະຊວງຄົມມະນາຄົມຂອງໄທ ຖະແຫຼງຢືນຢັນວ່າລັດຖະບານ ລາວ ແລະ ໄທ ໄດ້ຕົກລົງກັນຢ່າງເປັນທາງການວ່າຈະຮ່ວມມືກັນດຳເນີນການກໍ່ສ້າງຂົວຂ້າມແມ່ນໍ້າຂອງມິດຕະພາບ ລາວ-ໄທ ແຫ່ງທີ 5 ໃຫ້ສຳເລັດ ແລະ ເປີດນຳໃຊ້ພາຍໃນປີິ 2019 ແຕ່ປັດຈຸບັນຕ້ອງໄດ້ເລື່ອນກຳນົດດັ່ງກ່າວອອກໄປຈົນກວ່າວ່າທາງການຝ່າຍ ລາວ ຈະພ້ອມໃນດ້ານງົບປະມານສຳລັບຮ່ວມທຶນກັບທາງການໄທ ເພື່ອນຳໃຊ້ໃນການກໍ່ສ້າງຕໍ່ໄປ.

ໂດຍການກໍ່ສ້າງຂົວມິດຕະພາບ ລາວ-ໄທ ແຫ່ງທີ 5 ຕ້ອງໃຊ້ເງິນທຶນໃນມູນຄ່າລວມ 115 ລ້ານໂດລາແບ່ງເປັນຄວາມຮັບ ຜິດຊອບຂອງທາງການ ລາວ ໃນມູນຄ່າ 40 ລ້ານໂດລາ ແລະ ໄທ ໃນມູນຄ່າ75 ລ້ານໂດລາຕາມລຳດັບ ເຊິ່ງທາງການ ໄທ ມີຄວາມພ້ອມໃນດ້ານງົບປະມານຢູ່ແລ້ວ ຈຶ່ງລໍຖ້າພຽງການສັນຫາງົບປະມານຂອງທາງການ ລາວ ເທົ່ານັ້ນ.

ຂົວມິດຕະພາບ ລາວ-ໄທ ແຫ່ງທີ 5 ຈະເຊື່ອມຕໍ່ລະຫວ່າງຈັງຫວັດ ບຶງການ ກັບ ແຂວງ ບໍລິຄຳໄຊ ທີ່ສາມາດຕໍ່ໄປຍັງພາກກາງໃນ ຫວຽດນາມ ໄດ້ດ້ວຍຖະໜົນເລກ 8 ໃນລາວ ໂດຍການດຳເນີນງານທີ່ຜ່ານມາ ກໍໄດ້ສຳເລັດທັງໃນດ້ານການສຶກສາສຳຫຼວດ
ແລະ ອອກແບບກໍ່ສ້າງແລ້ວ ແລະ ເມື່ອການກໍ່ສ້າງແລ້ວສຳເລັດຍັງຈະສົ່ງຜົນດີຕໍ່ການຄ້າ ແລະ ການລົງທຶນລະຫວ່າງ ລາວ-ໄທ-ຫວຽດນາມ ແລະ ຈີນ ອີກດ້ວຍ

ຂົວມິດຕະພາບລາວ-ໄທ ແຫ່ງທີ 5 ຈະມີຄວາມຍາວ 1,350 ແມັດ ມີ 2 ຊ່ອງທາງຈະລາຈອນ ແລະ ທາງທີ່ເຊື່ອມຕໍ່ກັບຕົວຂົວຢູ່ຝັ່ງລາວ ມີໄລຍະທາງຍາວ 3.18 ກິໂລແມັດ ມີ 2 ຊ່ອງທາງຈະລາຈອນ ສ່ວນທາງຢູ່ຝັ່ງໄທ ນັ້ນ ມີໄລຍະທາງຍາວ 16.18
ກິໂລແມັດ ທັງຍັງຈະມີການກໍ່ສ້າງອາຄານສຳນັກງານດ່ານຊາຍແດນທັງ 2 ຝັ່ງ, ຫຼ້າສຸດ ກໍ່ມີລາຍງານວ່າ ຄະນະລັດຖະບານ ໄທ ໄດ້ມອບໝາຍໃຫ້ກົມຄວາມຮ່ວມມືລະຫວ່າງປະເທດ ເປັນພາກສ່ວນຮັບຜິດຊອບໃນການພິຈາລະນາເຖິງຄວາມເປັນໄປໄດ້ໃນ ການສະໜັບສະໜູນເງິນກູ້ໃຫ້ແກ່ລັດຖະບານ ລາວ ເພື່ອນຳໃຊ້ເຂົ້າໃນໂຄງການ.

 

ແຫລ່ງຂ່າວ: ເວັບໄຊຂ່າວ ວີໂອເອ

ຮູບປະກອບ: ຂົວມິດຕະພາບລາວ-ໄທ ແຫ່ງທີ 4 ຢູ່ບໍ່ແກ້ວ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...