ເມື່ອວັນທີ 2 ມັງກອນ 2018 ເວັບໄຊ ctvnews.ca ລາຍງານວ່າ ເມື່ອບໍ່ພໍເທົ່າໃດມື້ທີ່ຜ່ານມານີ້ ອຸນຫະພູມຂອງອາກາດໃນການາດາໄດ້ຫຼຸດຕ່ຳລົງຫຼາຍຈົນເຖິງຂັ້ນສຸດ ກາຍເປັນຄວາມໜາວເຢັນເຖິງກະດູກ ຄ້າຍກັບອາກາດໃນທະວີບອາກຕິກ ແລະ ເຮັດໃຫ້ທົ່ວປະເທດຕ່າງປົກຄຸມດ້ວຍຄວາມໜາວ
ທັງນີ້ໃກ້ເມມືອງ ຟຣອດ ຟຣານຊິສ ລັດອອນທາຣິໂອ້ ອຸນຫະພູມຫຼຸດລົງໄປຕ່ຳເຖິງ -32 ອົງສາ ດ້ານເວັບໄຊ globalnews.ca ລາຍງານວ່າ ຂະນະທີ່ນ້ຳຕົກໃນແອງກາຣາ ຝັ່ງປະເທດການາດານັ້ນ ໄດ້ກາຍເປັນນ້ຳແຂງ ໂດຍທຸກວິນາທີນັ້ນ ນ້ຳໜັກກວ່າ 3,100 ຕັນ ທີ່ຕົກລົງມາດ້ວຍຄວາມໄວ ເຖິງຢ່າງໃດກໍ່ຕາມ ເຖິງນ້ຳຕົກນັ້ນຈະກາຍເປັນນ້ຳແຂງກໍ່ບໍ່ແມ່ນເປັນທັງໝົດ ເພາະມີພຽງນ້ຳແຂງທີ່ປົກຄຸມໜ້ານ້ຳເທົ່ານັ້ນ ແລະ ນ້ຳລອດກ້ອງຍັງມີນ້ຳໄຫລຄືເກົ່
