ຜູ້ນຳເກົາຫຼີເໜືອສົ່ງສານປີໃໝ່ໃຫ້ອາເມລິກາ ງານນີ້ມີໜາວ

People watch a television news broadcast showing North Korean leader Kim Jong-Un's New Year's speech, at a railway station in Seoul on January 1, 2018. North Korean leader Kim Jong-Un said he was always within reach of the nuclear button in a defiant New Year message on January 1 after months of escalating tensions over his country's weapons programme. / AFP PHOTO / JUNG Yeon-Je

ເອພີລາຍງານເມື່ອວັນທີ 1 ມັງກອນ 2018 ວ່າ ທ່ານ ຄິມ ຈອງ ອຶນ ຜູ້ນຳເກົາຫຼີເໜືອ ຖະແຫຼງປະຈຳປີເນື່ອງໃນໂອກາດວັນຂຶ້ນປີໃໝ່ວ່າຈະເລັ່ງພັດທະນາໂຄງການຂີປະນາວຸດ ແລະ ນິວເຄຣຍ ຮວມເຖິງເດີນໜ້າຜະລິດອາວຸດທີ່ມີອະນຸພາບຮ້າຍແຮງເຫຼົານີ້ໃນຈຳນວນຫຼາຍ ເພື່ອໃຫ້ເກົາຫຼີເໜືອເປັນລັດນິວເຄຣຍທີ່ສົມບູນແບບຕາມເປົ້າໝາຍທີ່ຕັ້ງໄວ້ເມື່ອປີທີ່ຜ່ານມາ ດັ່ງນັ້ນຂໍໃຫ້ສະຫະລັດຈົ່ງຮູ້ໄວ້ວ່ານີ້ບໍ່ແມ່ນເປັນພຽງເລື່ອງຂູ່ ແຕ່ມັນຄືເລື່ອງແທ້

“ສະຫະລັດຮູ້ຄວນຮູ້ໄວ້ວ່າ ປຸ່ມສັ່ງການປ່ອຍນິວເຄຣຍຢູ່ທີ່ໂຕະເຮັດວຽກຂອງຂ້ອຍຕະຫຼອດເວລາ ແລະ ຕ້ອງເຂົ້າໃຈວ່າສິ່ງທີ່ຂ້ອຍກຳລັງເຮັດບໍ່ແມ່ນການແກ້ແຄ້ນ ແຕ່ຄືຄວາມຈິງທີ່ເກີດຂຶ້ນ ສະຫະລັດຢ່າໄດ້ຄິດກໍ່ສົງຄາມກັບຂ້ອຍ ແລະ ປະເທດຂອງເຮົາ”  ທ່ານ ຄິມກ່າວ

“ເຮົາຕ້ອງຜະລິດຫົວຮົບນິວເຄຣຍ ແລະ ຂີປະນາວຸດຂ້າມຊາດຈຳນວນຫຼາຍ ຮວມເຖິງເລັ່ງປະຈຳການອາວຸດເຫຼົ່ານີ້ ເກົາຫຼີເໜືອສາມາດຮັບມືກັບການຂົ່ມຂູ່ທາງນິວເຄຣຍຈາກສະຫະລັດ ເພາະເຮົາມີນິວເຄຣຍທີ່ຮ້າຍແຮງຫຼາຍພໍທີ່ຈະຢັບຢັ້ງສະຫະລັດຈາກການຫຼິ້ນກັບໄຟ”

ທ່ານ ຄິມ ຍັງກ່າວເຖິງການປັບຄວາມສຳພັນກັບເກົາຫຼີໃຕ້ ໂດຍເອີ່ຍເຖິງການທີ່ເກົາຫຼີໃຕ້ເປັນເຈົ້າພາບຈັດມະຫະກຳກີລາໂອລິມປິກລະດູໜາວ ທີ່ເມືອງ ພະຍອງຊັງວ່າເປັນໂອກາດທີ່ດີທີ່ຈະສະແດງໃຫ້ເຫັນສະຖານະຊາດຂອງເກົາຫຼີ  “ແລະ ເຮົາຂໍສົ່ງຄວາມປາຖະໜາດີຢ່າງຈິງໃຈວ່າ ງານດັ່ງກ່າວນີ້ຈະຈັດອອກມາດ້ວຍຜົນງານອັນດີ”