ທ້າວ ອອນເດຣ ນັກຊົກສັນຊາດອາເມລິກັນເຊື້ອຊາດລາວຄົນນີ້ ໄດ້ສ້າງຄວາມພູມໃຈໃຫ້ຄົນລາວທັງປະເທດອີກຄັ້ງ ເມື່ອສາມາດນັອກຄູ່ຕໍ່ສູ້ຢ່າງ ລູຕ໌ ແຊນເດີ້ສ໌ ຈາກສະຫະລັດອາເມລິກາ ໃນການຊົກມວຍ UFC ໃນລຸ້ນນໍ້າໜັກບໍ່ກາຍ 61 ກິໂລກຣາມ ພາຍໃນຍົກທີສອງເທົ່ານັ້ນ

ມວຍກົງ 8 ຫຼ່ຽມ UFC ເປັນມວຍໂຫດດຸເດືອດ ສຳລັບຄົນທີ່ມັກເບິ່ງກິລາມວຍຄົງຮູ້ຈັກກັນດີ ສະນັ້ນການທີ່ ອອນເດຣ ສາມາດເອົາຊະນະຄູ່ຕໍ່ສູ້ໄດ້ນັ້ນ ບໍ່ແມ່ນເລື່ອງງ່າຍແຕ່ກໍ່ສາມາດເອົາຊະນະໄດ້ ນີ້ຖືເປັນຄວາມພາກພູມໃຈຂອງຄົນລາວ ເຖິງແມ່ນວ່າທ້າວ ອອນເດຣ ຈະເປັນນັກຊົກໃນຕ່າງແດນແຕ່ເຂົາກໍ່ບໍ່ລືມວ່າເຂົາເປັນຄົນລາວ ໃນການຂຶ້ນຊົກແຕ່ລະເທື່ອໃນເວລາທີ່ເຂົາຊະນະຈະມີທຸງຊາດລາວຂຽງຂ້າງເຂົາສະເໝີ ອອນເດຣ ນອກຈາກຈະເປັນນັກມວຍທີ່ເກັ່ງແລ້ວ ຍັງເປັນຕົວຢ່າງທີ່ດີໃຫ້ກັບຄົນລາວທີ່ອາໃສຢູ່ຕ່າງແດນອີກດ້ວຍ