spot_img
Homeປ່ອງຢ້ຽມດວງດາວປະເທດທຳອິດເທິງອະວາກາດໄດ້ເກີດຂຶ້ນແລ້ວ

ປະເທດທຳອິດເທິງອະວາກາດໄດ້ເກີດຂຶ້ນແລ້ວ

Published on

Asgardia ທີ່ໄດ້ປະກາດຕົວເປັນປະເທດທຳອິດໃນອະວາກາດເມື່ອປີ 2016 ແລະ ໄດ້ຮັບການຕອບຮັບເປັນຢ່າງດີ ມີຜູ້ສົນໃຈຕ້ອງການເປັນສະມາຊິກຈຳນວນມະຫາສານ ແລະ ຕອນນີ້ພວກເຂົາໄດ້ປ່ອຍດາວທຽບດວງທຳອິດເຂົ້າສູ່ວົງໂຄຈອນຮອບໂລກເປັນການເລີ່ມຕົ້ນສ້າງອານາຈັກໃນອະວາກາດຮຽບຮ້ອຍແລ້ວ

Igor Ashurbeyli ມະຫາເສດຖີຊາວຣັດເຊຍທີ່ເປັນທັງນັກວິທະຍາສາດ ແລະ ນັກທຸລະກິດໄດ້ປະກາດຕັ້ງປະເທດໃນອະວາກາດໂດຍບໍ່ຢູ່ພາຍໃຕ້ການຄວບຄຸມຂອງປະເທດໃດໃນໂລກ ຫຼື ບໍ່ຢູ່ພາຍໃຕ້ສົນທິສັນຍາອະວາກາດ (Outer Space Treaty) ຊື່ປະເທດແມ່ນ Asgardia ມາຈາກຊື່ “Asgard” ເຊິ່ງເປັນດິນແດນເທບພະເຈົ້າໃນຕຳນານນອສ (Norse mythology)

ຫຼັງຈາກ Asgardia ປະກາດຮັບສະໝັກໃຫ້ຄົນມາລົງທະບຽນເປັນພົນລະເມືອງຂອງປະເທດພຽງ 2 ມື້ ປະກົດວ່າມີຜູ້ສົນໃຈມາສະໝັກຫຼາຍເຖິງ 100,000 ຄົນ ແລະ ເກີນ 500,000 ຄົນ ພາຍໃນເວລາບໍ່ຮອດເດືອນ ຜູ້ທີ່ສະໝັກຈະຖືກພິຈາລະນາຢ່າງເຂັ້ມງວດ ເພື່ອໃຫ້ໄດ້ຜູ້ທີ່ມີຄຸນສົມບັດເໝາະສົມເປັນປະໂຫຍດຕໍ່ການສ້າງອານາຈັກໃໝ່ໃນອະວາກາດ ຂະນະນີ້ມີຜູ້ຜ່ານການຄັດເລືອກແສນກວ່າຄົນແລ້ວ Asgardia ມີແຜນຈະຍື່ນສະໝັກເປັນສະມາຊິກສະຫະປະຊາຊາດໃນປີ 2018

ການສົ່ງ Asgardia-1 ຂຶ້ນສູ່ວົງໂຄຈອນຖືວ່າເປັນຄວາມສຳເລັດຂອງພົນລະເມືອງຂອງ Asgardia ຕອນນີ້ຍັງຕ້ອງຢູ່ທີ່ໂລກມະນຸດຕໍ່ໄປກ່ອນ ດາວທຽມນ້ອຍດວງນີ້ຈະນຳເອົາຟາຍຂໍ້ມູນຂະນາດ 500 ກິກະໄບຂອງພົນລະເມືອງຊາວ Asgardia 18,000 ຄົນຂຶ້ນໄປກັບມັນພ້ອມ ມີທັງຮູບຄອບຄົວຂອງພົນລະເມືອງ ຮູບທຸງຊາດ ກາສັນຍະລັກ ແລະ ລັດຖະທຳມະນູນຂອງປະເທດ

ປະຕິບັດການຄັ້ງນີ້ບໍ່ໄດ້ເປັນພຽງການສົ່ງຂໍ້ມູນຂຶ້ນໄປສູ່ອະວາກາດເທົ່ານັ້ນ ມັນມີຄວາມໝາຍຕໍ່ການຈັດຕັ້ງປະເທດໂດຍກົງ ປົກກະຕິການເປັນປະເທດຂອງສະຫະປະຊາຊາດໄດ້ຈະຕ້ອງມີຄົບ 4 ຢ່າງ ແລະ ພວກເຂົາມີແລ້ວ 3 ຢ່າງຄື: 1. ລັດຖະທຳມະນູນທີ່ໄດ້ຮັບການຮັບຮອງແລ້ວ, 2. ລະບົບສະກຸນເງິນຕາທີ່ພວກເຂົາໃຊ້ “Solar” ທີ່ຈົດທະບຽນກັບສະຫະພາບຢຸໂຣບແລ້ວ, 3. ລັດຖະບານເຊິ່ງຂະນະນີ້ຢູ່ໃນລະຫວ່າງການຈັດຕັ້ງ ແລະ ການສົ່ງ Asgardia-1 ຂຶ້ນສູ່ອະວາກາດຈະເຮັດໃຫ້ພວກເຂົາມີສິ່ງສຸດທ້າຍຕາມຂໍ້ກຳນົດນັ້ນຄືອານາເຂດ

Asgardia ມີແຜນຈະຈັດຕັ້ງສະຖານີອະວາກາດທີ່ໂຄຈອນຮອບໂລກ ແລະ ອານານິຄົມເທິງດວງຈັນ ແຕ່ຍັງບໍ່ຮູ້ວ່າຕ້ອງໃຊ້ເວລາດົນປານໃດເຖິງຈະບັນລຸຜົນ ແຕ່ສຳລັບຈຳນວນພົນລະເມືອງຂອງ Asgardia ຕອນນີ້ມີປະມານ 114,000 ຄົນຈາກ 204 ປະເທດທົ່ວໂລກ

https://youtu.be/5DK76UWmM_A

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...