ວັນທີ 27 ພະຈິກ 2017 ນີ້ ສຳນັກຂ່າວທ້ອງຖິ່ນ ແຂວງອັດຕະປື ໄດ້ລາຍງານການໃຫ້ສຳພາດຂອງທ່ານ ເລັດ ໄຊຍະພອນ ເລຂາພັກແຂວງ ເຈົ້າແຂວງອັດຕະປື ວ່າ ບັນຫາ ລົດໄມ້ 27 ຄັນ ທີ່ຝືນຄຳສັ່ງເລກທີ່ 15/ນຍ ຢູ່ແຂວງອັດຕະປື ແມ່ນເປັນປະເດັນ ທີ່ສັງຄົມໃຫ້ຄວາມສົນໃຈ ແລະ ຕິດຕາມ ຄວາມຄືບໜ້າ ໃນການ ຫາຜູ້ມີສ່ວນຮ່ວມ ໃນການກະທຳຜິດ ມາຮັບຜິດຊອບຕໍ່ລະບຽບກົດໝາຍ.
ເຊິ່ງມາຮອດປະຈຸບັນ ແຂວງໄດ້ສັ່ງໂຈະ ການປະຕິບັດໜ້າທີ່ ຂອງພະນັກງານ ທີ່ມີສ່ວນກ່ຽວຂ້ອງຈຳນວນໜື່ງ ເພື່ອດຳເນີນການສືບສວນ, ສອບສວນ ບັນຫາດັ່ງກ່າວນີ້ ທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື ໄດ້ຢືນຢັນ ທີ່ຈະປະຕິບັດຕາມລະບຽບກົດໝາຍ ຕໍ່ບຸກຄົນ ທີ່ມີສ່ວນຮ່ວມ ໃນຂະບວນການດັ່ງກ່າວ ຢ່າງເຂັ້ມງວດ. ດັ່ງວິດີໂອສຽງຂອງທ່ານ ເຈົ້າແຂວງດັ່ງລຸ່ມນີ້:

ແຫຼ່ງຂ່າວ: ອັດຕະປືອອນລາຍ

ຂ່າວທີ່ກ່ຽວຂ້ອງ: – ອັດຕະປືປະມູນຂາຍໄມ້ 700 ແມັດກ້ອນ