spot_img
Homeຂ່າວພາຍ​ໃນລາກຄໍຊາວຕ່າງຊາດເຂົ້າຄຸກ ຂໍ້ຫາລັກຊັບພົນລະເມືອງໃນລາວ

ລາກຄໍຊາວຕ່າງຊາດເຂົ້າຄຸກ ຂໍ້ຫາລັກຊັບພົນລະເມືອງໃນລາວ

Published on

ວັນທີ 6 ພະຈິກ 2016 ທ້າວ ສຸກສາຄອນ (ຜູ້ເສຍຫາຍ) ປະຊາຊົນບ້ານສີບຸນເຮືອງ ເມືອງຈັນທະບູລີ ນະຄອນຫຼວງວຽງຈັນ ໄດ້ຂັບລົດທະບຽນ ທຮ 5555 ກຳແພງນະຄອນ ເອົາເງິນຈຳນວນ 116.700.000 ກີບ ໄປແລກປ່ຽນເອົາເງິນບາດໄທ ຢູ່ຮ້ານແລກປ່ຽນແຫ່ງໜຶ່ງ ໃນບ້ານຫັດສະດີ ເມືອງຈັນທະບູລີ ນະຄອນຫຼວງວຽງຈັນ ແລ້ວຈຳເລີຍທັງສອງແລະໝູ່ອີກສອງຄົນ ຊື່ ທ້າວ ເດຍ ແລະ ທ້າວ ອາລີ ໄດ້ພາກັນຕິດຕາມພຶດຕິກຳຂອງຜູ້ເສຍຫາຍ. ຈາກນັ້ນ ທ້າວ ເມໂກ້ ໄດ້ເອົາເຫຼັກແຫຼມໄປວາງໃສ່ຢາງຕີນລົດຂອງຜູ້ເສຍຫາຍ ເມື່ອຜູ້ເສຍຫາຍອອກຈາກຮ້ານແລກປ່ຽນເງິນຕາ ແລ້ວເອົາເງິນວາງໄວ້ເບາະດ້ານຫຼັງລົດແລ້ວຂັບອອກໄປ ເມື່ອຂັບລົດໄປຮອດບ້ານສີບຸນເຮືອງ ເມືອງຈັນທະບູລີ ພົບວ່າຕີນລົດຂອງຕົນຢາງຮົ່ວຈຶ່ງໄດ້ເອົາລົດເຂົ້າຮ້ານເພື່ອສ້ອມແປງ. ໃນຂະນະທີ່ທ້າວສຸກສາກຄອນ ຜູ້ເສຍຫາຍລົງໄປເບິ່ງຊ່າງຈອດຢາງລົດ ທ້າວ ເມໂກ້ ໄດ້ລັກເປີດປະຕູລົດເບື້ອງກົງກັນຂ້າມ ແລ້ວລັກເອົາເງິນໜີໄປ. ເມື່ອເຈົ້າໜ້າທີ່ທີ່ກ່ຽວຂ້ອງລົງໄປເກັບກຳຂໍ້ມູນ ຈຶ່ງໄດ້ຮັບແຈ້ງຈາກພົນລະເມືອງດີເຖິງຮູບປະພັນສັນຖານຂອງຄົນຂີ້ລັກ ເຈົ້າໜ້າທີ່ຈຶ່ງວາງແຜນແລະຈັບກຸມໄດ້ໃນວັນທີ 14 ພະຈິກ 2016 ແລະໄດ້ກວດຄົ້ນພົບເງິນສົດຈຳນວນ 660.000 ບາດ (ສະກຸນເງິນໄທ) ຈຶ່ງໄດ້ນຳໄປກວດສອບ ແລະນຳໂຕພວກກ່ຽວໄປຝາກຂັງແລະດຳເນີນຄະດີຕາມກົດໝາຍ.

ທ້າຍອາທິດທີ່ຜ່ານມາ ສານປະຊາຊົນນະຄອນຫຼວງ ໄດ້ເອົາສຳນວນຄະດີພວກກ່ຽວ ຂຶ້ນພິຈາລະນາແລະຕັດສິນ ຄື ທ້າວ ເມໂກ້ ແລະ ນາງ ມາເລຍຊິຕິນ່າ ກິດ ທັງສອງມີອາຍຸ 50 ປີ ເປັນເຊື້ອຊາດ-ສັນຊາດເປຣູ, ອາຊີບຄ້າຂາຍ ພັກຢູ່ໂຮງແຮມແຫ່ງໜຶ່ງເຂດບ້ານຫາຍໂສກ ເມືອງຈັນທະບູລີ ນະຄອນຫຼວງວຽງຈັນ.

ສານອີງໃສ່ຂໍ້ມູນຫຼັກຖານແລ້ວ ພິຈາລະນາວ່າ ຈຳເລີຍໄດ້ມີເຈຕະນາເຄື່ອນໄຫວລັກຊັບພົນລະເມືອງ ເຊິ່ງສະແດງອອກຈາກພຶດຕິກຳທີ່ມີການວາງແຜນຈຶ່ງກໍ່ເຫດ. ສະນັ້ນ, ສານຈຶ່ງເຫັນຄວນຕັດສິນ ຕັດອິດສະຫຼະພາບ ທ້າວ ເມໂກ້ 3 ປີ ປັບໃໝ 3.000.000 ກີບ ແລະນາງ ມາເລຍ 1 ປີ 9 ເດືອນ ປັບໃໝ 1.500.000 ກີບ ຖານລັກຊັບພົນລະເມືອງ ພ້ອມທັງໃຫ້ແທນເງິນທີ່ພວກກ່ຽວລັກໄປຄືນໃຫ້ເຈົ້າຂອງຊັບ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...