ສຳນັກຂ່າວຣອຍເຕີລາຍງານຈາກນະຄອນຫຼວງ ໂຕກຽວ ປະເທດຍີ່ປຸ່ນ ເມື່ອວັນທີ 31 ຕຸລາວ່າ ສະຖານີໂທລະພາບອາຊາຮີຍີ່ປຸ່ນ ລາຍງານເມື່ອວັນອັງຄານ ໂດຍອ້າງແຫຼ່ງຂ່າວທີ່ໃກ້ຊິດກັບເຫດການ ແຕ່ບໍ່ຂໍເປີດເຜີຍຊື່ ວ່າ ມີຄົນງານເສຍຊີວິດປະມານ 100 ຄົນຈາກການພັງຖະລົ່ມຂອງອຸໂມງຄັ້ງທຳອິດ ໃນສະຖານີທົດສອບນິວເຄຣຍປຸງເຍ-ຣີ ທາງພາກຕະເວັນອອກສຽງເໜືອຂອງເກົາຫຼີເໜືອ ເມື່ອປະມານວັນທີ 10 ກັນຍາ ທີ່ຜ່ານມາ
ການພັງຖະລົ່ມຂອງອຸໂມງຄັ້ງທີ 2 ເກີດຂຶ້ນໃນລະຫວ່າງປະຕິບັດການກູ້ໄພ ເຊິ່ງມີຄວາມເປັນໄປໄດ້ວ່າຕົວເລກຜູ້ເສຍຊີວິດທັງໝົດອາດເກີນ 200 ຄົນ
ກຸ່ມຜູ້ຊ່ຽວຊານກ່າວວ່າ ແຮງສະເມືອນ ແລະ ດິນຖະລົ່ມຫຼາຍເທື່ອ ໃນບໍລິເວນໃກ້ຖານທົດສອບນິວເຄຣຍ ອາດໝາຍຖືງການທົດສອບຄັ້ງທີ 6 ເຊິ່ງເກີດການລະເບີດຮຸນແຮງທີ່ສຸດ ເມື່ອວັນທີ 3 ກັນຍາທີ່ຜ່ານມາ ມັນໄດ້ທຳລາຍຄວາມໝັ້ນຄົງຂອງພື້ນທີ່ ແລະ ຖານປຸງເຍ-ຣີ ອາດບໍ່ສາມາດໃຊ້ເປັນສະຖານທີ່ທົດສອບນິວເຄຣຍໄດ້ອີກຕໍ່ໄປ