ຄະນະປະຈຳສະພາແຫ່ງຊາດ ໄດ້ຈັດກອງປະຊຸມປະຈຳເດືອນສິງຫາຂຶ້ນ ແຕ່ວັນທີ 28 – 29 ສິງຫານີ້ ຢູ່ຫໍສະພາ
ແຫ່ງຊາດ ພາຍໃຕ້ການເປັນປະທານຂອງ ທ່ານ ນາງ ປານີ ຢາທໍ່ ຕູ້ປະທານສະພາແຫ່ງຊາດ ເຊິ່ງໄດ້້ປຶກສາຫາ
ລື, ພິຈາລະນາ ແລະ ປະກອບຄວາມເຫັນໃສ່ ການຕີຄວາມໝາຍບາງມາດຕາ ຂອງຮ່າງກົດໝາຍຈຳນວນໜຶ່ງ
ທີ່ຈະນຳເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ VII ທີ່ຈະຈັດຂຶ້ນໃນຕໍ່
ໜ້າ, ພິຈາລະນາຮ່າງມະຕິຂອງ ຄະນະປະຈຳສະພາແຫ່ງຊາດ ວ່າດ້ວຍລະບຽບການປະສານງານພາຍໃນສະພາ
ແຫ່ງຊາດ, ຮັບຟັງການລາຍງານ ການຈັດຕັ້ງປະຕິບັດການເຄື່ອນໄຫວຂອງກົມສື່ມວນຊົນຂອງສະພາແຫ່ງ
ຊາດ, ລວມທັງການຄຸ້ມຄອງລາຍຮັບ-ລາຍຈ່າຍ ແລະ ແຜນງົບປະມານໃນອະນາຄົດ ແລະ ຂໍການອະນຸມັດນຳ
ໃຊ້ເງິນສະສົມຈາກການຈຳໜ່າຍ ແລະ ໂຄສະນາໜັງສືພິມຜູ້ແທນປະຊາຊົນ.
ນອກຈາກນີ້, ຍັງໄດ້ຮັບຊາບກ່ຽວກັບສະພາບໂດຍລວມ ໃນການກະກຽມກອງປະຊຸມໄອປາ (AIPA) ຄັ້ງທີ 35
ທີ່ ສປປ ລາວ ໄດ້ຮັບກຽດເປັນເຈົ້າພາບ ໃນລະຫວ່າງວັນທີ 14-20 ກັນຍາ 2014 ທີ່ຈະມາເຖິງນີ້ ແລະ ຮັບຟັງ
ຜົນຂອງ ກອງປະຊຸມລັດຖະມົນຕີການຕ່າງປະເທດອາຊຽນຄັ້ງ ທີ 47 ຢູ່ເນປີດໍ ປະເທດມຽນມາ.
ແຫຼ່ງຂ່າວ: ລາວພັດທະນາ