ເວົ້າເລື່ອງລາຍຈ່າຍ ແລະ ໜີ້ສິນ ເວົ້າຂຶ້ນມາແລ້ວເຮັດໃຫ້ຫຼາຍຄົນເຈັບເສັ້ນຄິດບໍ່ຕົກ ສາເຫດຂອງການເປັນໜີ້ຫຼັກໆແມ່ນມາຈາກການຈ່າຍເງິນເກີນຕົວ ໂດຍບໍ່ມີການສົມທຽບເບິ່ງລາຍຮັບຂອງຕົວເອງ ແລະ ແຫຼ່ງທີ່ມາຂອງເງິນທີ່ຕົນມີຢູ່ກ່ອນ ໃນຄໍລຳ ສາລະໜ້າຮູ້ນີ້ ເຮົາຈະມາຮູ້ຈັກ ກັບພຶດຕິກຳທີ່ເຮັດໃຫ້ທ່ານກາຍເປັນຄົນທີ່ມີແຕ່ໜີ້ ຫຼື ໜີ້ຖ້ວມຫົວ
- ຫ້າມພຶດຕິກຳການໃຊ້ຈ່າຍເງິນຂອງຕົນເອງບໍ່ໄດ້ ແລ່ນນຳວັດຖຸນິຍົມ/ສັງຄົມຫຼາຍຈົນກາຍເປັນໜີ້ຢາກໄດ້ຫຍັງແມ່ນຕ້ອງໃຫ້ໄດ້ທັນໃຈເຖິງຈະເປັນໜີ້ກໍ່ຕາມ
- ຊຳລະໜີ້ເກົ່າບໍ່ໝົດ ກໍ່ຫາສ້າງໜີ້ກ້ອນໃໝ່ຂຶ້ນມາອີກ
- ເປັນຄົນໃຈກວ້າງໃຈອ່ອນບໍ່ມີຂອບເຂດຂາດການພິຈາລະນາຮອບຄອບໄປຢືນຢັນຄ້ຳປະກັນໃຫ້ຜູ້ອື່ນສຸດທ້າຍມາຕົນເອງຮັບໃຊ້ໜີ້
- ຕິດການພະນັນທຸກຊະນິດ ເງິນບໍ່ມີກໍ່ຕິດໜີ້ຫຼິ້ນ