ສຳນັກຂ່າວເອເອຟພີລາຍງານຈາກນະຄອນຫຼວງມະນິລາ ປະເທດ ຟິລິບປິນ ເມື່ອວັນທີ 25 ຕຸລາ 2017 ວ່າ ທ່ານ ດູເຕີເຕ ພ້ອມດ້ວຍ ຜູ້ບັງຄັບບັນຊາທະຫານສູງສຸດຟິລິບປິນ ຮັບມອບອາວຸດໃນລະຫວ່າງການເດີນທາງມາຢ້ຽມຢາມເຮືອກອງທັບຣັດເຊຍ ທີ່ເຈົ້າຈອດທຽບທ່ານະຄອນຫຼວງມະນິລາ ເຊິ່ງເປັນຄວາມເຄື່ອນໄຫວຫຼ້າສຸດຂອງການນຳພາປະເທດເຂົ້າຫາຣັດເຊຍ ແລະ ຈີນ ແລະ ຖອຍຫ່າງຈາກສະຫະລັດ
ພາຍຫຼັງການຢ້ຽມຊົມເຮືອຕໍ່ຕ້ານເຮືອດຳນ້ຳລຳໃຫຍ່ ແອດມີຣັລ ພານເຕເລເຍຟ ທ່ານ ດູເຕີເຕ ໄດ້ຮັບມອບລົດບັນທຸກ 20 ຄັນ ແລະ ປືນໄຣເຟິລຕາລາຊະນິດຄອຟ 5,000 ກະບອກ ພ້ອມຊຸດລູກປືນ ເພື່ອເຂົ້າຮັບໃຊ້ໃນວຽກງານກອງທັບຟິລິບປິນທີ່ຄາດເຂີນດ້ານອາວຸດ ໃນຂະນະທີ່ລັດຖະມົນຕີກະຊວງປ້ອງກັນປະເທດຟິລິບປິນ ໄດ້ກ່າວສະແດງຄວາມຍິນດີຕໍ່ການກະຊັບຄວາມສຳພັນລະຫວ່າງ 2 ປະເທດ
ທ່ານ ຊອຍກູ ລັດຖະມົນຕີກະຊວງປ້ອງກັນປະເທດຣັດເຊຍ ໄດ້ກ່າວໃນຖະແຫຼງການວ່າ ຟິລິປິນຖືເປັນປະເທດຫຸ້ນສ່ວນທີ່ສຳຄັນ ແລະ ມີອານາຄົດຂອງຣັດເຊຍ ໃນພາກພື້ນອາຊຽນ ແລະ ນີ້ຖືວ່າເປັນຄັ້ງທຳອິດທີ່ທ່ານ ຊອຍກູ ເດີນທາງມາຢ້ຽມຢາມຟິລິປິນ.