ເວົ້າເຖິງການແຮັກ ແລະ ລັກຂໍ້ມູນທາງອິນເຕີເນັດ ຖືວ່າເປັນສິ່ງທ້າທາຍ ຈົນເກີດມີອາຊີບນັກແຮັກຂໍ້ມູນ ຫຼື Hacker ທີ່ບອກໄດ້ວ່າ ຖ້າແຮັກເກັງ ມີຄົນຈ້າງໄປແຮັກຂໍ້ມູນແລ້ວ ມີແຕ່ລວຍກັບລວຍ. ແຕ່ຕ້ອງບໍ່ໃຫ້ເຂົາຈັບໄດ້ເດີ! ຖ້າຈັບໄດ້ກະຕ້ອງເຂົ້າຄຸກໄດ໋…
ສອງສ່ຽວ ເຈ່ ແລະ ໂຈ່ ທີ່ເປັນຈອມຢຸດ ແຮັກເກີ ທີ່ເກັງທີ່ສຸດ ອັນດັບໂລກ ມາພໍ້ກັນ ແລະ ແລກປ່ຽນບົດຮຽນ ກ່ຽວກັບ ການແຮັກຂໍ້ມູນ ແລະ ປະເທດໃດແດ່ ທີ່ແຮັກຍາກທີ່ສຸດ….
ສ່ຽວເຈ່: ສະຫາຍ! ເຮົານີ້ແຮັກມາໝົດໂລກແລ້ວ ທັງອາເມລິກາ, ຣັດເຊຍ, ຈີນ. ບາງບ່ອນກະແຮັກໄດ້, ບາງບ່ອນກະແຮັກຍາກ. ແຕ່ສ່ວນຫຼາຍແມ່ນເກືອບວ່າ ແຮັກໄດ້ໝົດ.! ສະຫາຍເດ໋! ຄິດວ່າປະເທດໃດ ແຮັກຍາກກ່ອນໝູ່?
ສ່ຽວໂຈ້: ຈາກປະສົບການຂອງເຮົານີ້, ບໍ່ມີປະເທດໃດທີ່ເຮົາແຮັກບໍ່ໄດ້! ແຕ່ຍັງປະເທດດຽວທີ່ແຮັກ ບໍ່ສຳເລັດຈັກເທື່ອ!
ສ່ຽວເຈ່: ແມ່ນບໍ່! ປະເທດໃດສ່ຽວ?
ສ່ຽວໂຈ່: ປະເທດລາວ!
ສ່ຽວເຈ່: ອ໋າວ! ຄືວ່າຈັ່ງຊັນ ລະບົບປ້ອງກັນຂອງປະເທດລາວມັນເກັ່ງປານນັ້ນພຸ້ນຫວະ!
ສ່ຽວໂຈ່: ບໍ່ແມ່ນ! ເຮົາກຳລັງຊິແຮັກສຳເລັດແຕ່ລະຄັ້ງ! ຮ່າເອີຍ! ອິນເຕີເນັດມັນມັກຕົກ! ຊ້າກະຊ້າ ກະເລີຍວ່າແຮັກບໍ່ໄດ້ຈັກເທື່ອ! ຮະຮະຮະຮະຮະ
ທີ່ມາ:kuvaleo.com