spot_img
Homeຊີວິດແລະຄວາມຮັກຢ້ານການເລິ່ມຕົ້ນແມ່ນບໍ? ອ່ານນີ້ ເຮົາຈະພາເຮັດຕາມຄວາມຝັນ

ຢ້ານການເລິ່ມຕົ້ນແມ່ນບໍ? ອ່ານນີ້ ເຮົາຈະພາເຮັດຕາມຄວາມຝັນ

Published on

ຄົນເຮົາບໍ່ໄດ້ຢ້ານການເລິ່ມຕົ້ນຕາມຄວາມຝັນ ພວກເຂົາຢ້ານການປ່ຽນແປງຕ່າງຫາກ ແລະນີ້ກໍຄືວິທີການເລິ່ມຕົ້ນແລະເຮັດຕາມຄວາມຝັນອັນສູງສຸດຂອງເຮົາຢ່າງກ້າຫານ.

  1. ຈົ່ງຊື່ສັດກັບຕົນເອງ
    ເຈົ້າມົວຊັກຊ້າຢູ່ເຮັດຫຍັງ? ເພາະເຈົ້າຢ້ານ ບ້າຄວາມສົມບູນແບບ ຍັງບໍ່ແນ່ໃຈໃນໂຕເອງ ຫຼືວ່າຍັງມີທັກສະບໍ່ຫຼາຍພໍແທ້ບໍ? ບັນຫາທີ່ແທ້ຈິງອາດຈະຢູ່ທີ່ວ່າ ເຈົ້າພຽງບໍ່ມັກການປ່ຽນແປງ ຫຼືຍັງຢຶດຕິດກັບຈັງຫວະຊີວິດເກົ່າໆ ກໍເປັນໄດ້ ຫຼາຍເທື່ອ ສິ່ງທີ່ເຮັດໃຫ້ຄົນເຮົາບໍ່ສາມາດເລິ່ມຄວາມຝັນຂອງຕົນເອງໄດ້ ກໍຄືການຂຽດແຮງບັນດານໃຈແລະວິໄນ ດັ່ງນັ້ນ, ເຈົ້າຈຶ່ງຕ້ອງເລິ່ມຕົ້ນດ້ວຍການຍອມຮັບຢ່າງຈິງໃຈວ່າ ສິ່ງໃດເປັນອຸປະສັກລະຫວ່າງທ່ານແລະຄວາມຝັນນັ້ນ ບໍ່ດັ່ງນັ້ນ ມັນກໍບໍ່ມີວັນເປັນຈິງໄດ້ຈັກເທື່ອດອກ.
  2. ຈົ່ງມຸ່ງໝັ້ນຕັ້ງໃຈ
    ຫຼາຍໆ ຄົນມີຄວາມຝັນ ແຕ່ໄປບໍ່ເຖິງຝັນ ເຊິ່ງສ່ວນຫຼາຍເປັນຍ້ອນພວກເຂົາບໍ່ມີຄວາມມຸ່ງໝັ້ນພໍທີ່ຈະເຮັດໃຫ້ຄວາມຝັນນັ້ນສຳເລັດ ຖ້າເຈົ້າມີຄວາມຝັນ ເຈົ້າຕ້ອງມີໃຈທີ່ຈົດຈໍ່ກັບມັນໃຫ້ຫຼາຍຈົນຝັນນັ້ນກາຍເປັນຈິງໄດ້ ຈົ່ງທ້າທາຍໂຕເອງດ້ວຍການຫຼີກລ່ຽງສິ່ງທີ່ເຮັດໃຫ້ເຈົ້າລັງເລ ແລ້ວຫັນມານຶກເຖິງວິທີເຮັດຕາມຝັນໃຫ້ເລິກເຊິ່ງແລະຫຼາຍເທື່ອຍິ່ງຂຶ້ນດີກວ່າ ຢ່າເສຍເວລາຢູ່ກັບສິ່ງທີ່ບໍ່ໄດ້ກ່ຽວຂ້ອງກັບຄວາມຝັນຂອງເຈົ້າເລີຍ ເພາະເວລາເປັນສິ່ງທີ່ມີຄ່າຢ່າງຍິ່ງ.
  3. ວາງແຜນສິ່ງທີ່ຕ້ອງຮຽນຮູ້ແລະເຝິກຝົນ
    ຄຳຖາມທີ່ສຳຄັນທີ່ສຸດຄື ເຈົ້າຈະຕ້ອງຮຽນຮູ້ອິຫຍັງແດ່ເພື່ອຈະກ້າວໄປສູ່ເປົ້າໝາຍ ໄດ້ຢ່າງໝັ້ນໃຈແລະມມມີປະສິດທິພາບ? ກໍຈົ່ງກຳໜົດຫົວຂໍ້ເລື່ອງທັກສະຕ່າງໆ ທີ່ທ່ານຕ້ອງການພັດທະນາຕົນເອງຈັ່ງໃດລະ ຈາກນັ້ນກໍເລິ່ມວາງແຜນເສັ້ນທາງ ກຳນົດເວລາສຳລັບແຕ່ລະສິ່ງທີ່ຕ້ອງຮຽນຮູ້ ຖ້າທ່ານບໍ່ໄດ້ກຳໜົດເວລາຫຼືເສັ້ນຕາຍໃຫ້ແນ່ນອນວ່າ ຕ້ອງເຝິກຝົນທັກສະຕ່າງໆ ໃຫ້ສຳເລັດຕອນໃດ ເຈົ້າກໍຈະຂາດຄວາມສາມາດແລະແຮງຜັກດັນພໍທີ່ຈະກ້າວໄປສູ່ເປົ້າໝາຍທີ່ຕັ້ງໄວ້ໄດ້ ແລະຈື່ໄວ້ວ່າການຮຽນຮູ້ເປັນຮາກຖານຂອງຄວາມກ້າວໜ້າແລະການພັດທະນາໂຕເອງໃນທຸກໆດ້ານເລີຍ.
  4. ເລິ່ມຕົ້ນດ້ວຍການເຮັດສິ່ງນ້ອຍໆ ໃນທຸກວັນ
    ເຈົ້າຕ້ອງເລິ່ມຕົ້ນຄວາມຝັນອັນຍິ່ງໃຫຍ່ ດ້ວຍການເຮັດທຸກວັນໃຫ້ກ້າວໄປໃກ້ຝັນນັ້ນຂຶ້ນເລື້ອຍໆ ບໍ່ມີທາງລັດອື່ນນອກຈາກການລົງມືືເຮັດ ຍິ່ງເຮັດຫຼາຍ ກໍຍິ່ງສຳເລັດຫຼາຍ ບໍ່ວ່າໃຜກໍສາມາດເລິ່ມເຮັດຫຍັງໄດ້ທຸກໆວັນ ເພື່ອໃຫ້ໃຊີວິດກ້າວໄປຂ້າງໜ້າ ເພາະສັ້ນນັ້ນ ຈົ່ງລຽງລຳດັບສິ່ງທີ່ຄວນເຮັດໃນແຕ່ລະມື້ສະເໝີ ຢ່າເບິ່ງຂ້າມການເຮັດສິ່ງນ້ອຍໆ ເພາະໄຊຊະນະເລັກໆນ້ອຍໆ ນີ້ແຫຼະທີ່ກະຕຸ້ນໃຫ້ທ່ານມີຄວາມໝັ້ນໃຈໃນການເຮັດສິ່ງທີ່ຍາກຂຶ້ນໄດ້.

ຄວາມຝັນຂອງທ່ານມີຄຸນຄ່າແລະຄວາມໝາຍຫຼາຍ ເພາະສະນັ້ນ ຈົ່ງຢຸດຫາຂໍ້ແກ້ໂຕແລະເລິ່ມເຮັດຕາມຝັນຢ່າງຈິງຈັງທັງແຮງໃຈແຮງກາຍ ເຫດຜົນທີ່ເຮົາມີພອນສະຫວັນໃນການໂຫຍຫາແລະປາຖະໜາຈະບັນລຸໃນຄວາມຝັນນັ້ນ ກໍເພື່ອທີ່ເຮົາຈະໄດ້ພະຍາຍາມເພື່ອມັນໄດ້ເຕີບໂຕຈາກມັນ ແລະເມື່ອເຮັດຝັນສຳເລັດແລ້ວ ທ່ານເອງກໍຈະພັດທະນາຕົນເອງຕາມໄປນຳພ້ອມ. ດັ່ງນັ້ນ, ຈົ່ງກ້າວໄປຫາຄວາມຝັນຢ່າງໝັ້ນຄົງ ຢ່າຍອມແພ້ຕໍ່ຄວາມຢ້ານຂອງໂຕເອງ ເພື່ອທີ່ຈະໄດ້ໃຊ້ຊີວິດໃຫ້ເຕັມທີ່ຕາມທີ່ເຈົ້າປາຖະໜາໄວ້ຈັ່ງໃດລະ.

ບົດຄວາມຈາກ: Success

ບົດຄວາມຫຼ້າສຸດ

7 ວັນອັນຕະລາຍ ໃນໄລຍະບຸນປີໃໝ່ເກີດອຸບັດຕິເຫດທົ່ວປະເທດ 313 ຄັ້ງ ເສຍຊີວິດທັງໝົດ 26 ຄົນ

ເສຍຊີວິດ 26 ຄົນ ຈາກອຸບັດຕິເຫດທີ່ເກີດຂຶ້ນທົ່ວປະເທດ 313 ຄັ້ງ ໃນໄລຍະບຸນປີໃໝ່ລາວ 2025. ພັອ ແກ້ວມາລາ ແສງທອງ ຮອງຫົວໜ້າກົມຕຳຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ ໄດ້ຖະແຫຼງຕໍ່ສື່ມວນຊົນ...

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ໃຫ້ອອກນອກປະເທດເບລິສ ສຸດທ້າຍຖືກຍິງເສຍຊີວິດ

ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ. ສຳນັກຂ່າວຕ່າງປະເທດລາຍງານເຫດລະທຶກຂວັນ! ໜຸ່ມອາເມລິກາ ກໍ່ເຫດໃຊ້ມີດຈີ້ນັກບິນຂັບເຮືອບບິນນ້ອຍ ສາຍການບິນ Tropic Air ໃນປະເທດເບລິສ ເມື່ອວັນພະຫັດ ທີ...

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...