ເດລີເມລລາຍງານເມື່ອວັນທີ 4 ຕຸລາ 2017 ວ່າ ແພດຊາວມາເລເຊຍພົບສາເກດທີ່ເຮັດໃຫ້ເດັກຊາຍໄວອາຍຸ 15 ປີ ມີອາການທ້ອງອືດຕັ້ງແຕ່ລາວຍັງນ້ອຍຈົນຮອດປັດຈຸບັນ ວ່າຄວາມຈິງແລ້ວທີແຝດທີ່ຢຸດການຈະເລີນເຕີບໂຕ ແລະ ຜິດຮູບຮ່າງຢູ່ໃນທ້ອງຂອງລາວ ແລະ ເມື່ອຜ່າຕັດອອກມາແລ້ວພົບວ່າຮ່າງດັ່ງກ່າວມີການພັດທະນາຈົນເຖິງຂັ່ນມີຜົມ ແລະ ອະໄວຍະວະເພດແລ້ວ

ແພດປະຈຳໂຮງໝໍສຸລາຕານ ອັບດຸລ ຮາລິມ ໃນເມືອງຊັນໄກ ເປຕານີ ເຜີຍວ່າ ທຳອິດທີ່ເບິ່ງພາບຊີທີສະແກນຍັງຄິດວ່າເປັນພຽງເນື້ອງອກ ຈົນເມື່ອຜ່າຕັດອອກມາພົບວ່າເປັນແຝດຂອງ ທີ່ມີນ້ຳໜັກ 1.6 ກິໂລກຣາມ ບໍ່ມີປາກ, ບໍ່ມີແຮ່ ແຕ່ມີກະໂຫລກທີ່ຜິດສ່ວນ ມີກະດູກສັນຫຼັງ ແລະ ມີຜົມຍາວ

ລັກສະນະທີ່ຕົວອ່ອນຍັງຝັງຢູ່ໃນຕົວແຝດມີໂອກາດໜ້ອຍຫຼາຍ ຫຼື ພຽງ 1 ໃນ 5 ລ້ານ ແລະ ສ່ວນໃຫຍ່ຈະພົບວ່າເປັນຢູ່ໃນທ້ອງ 80% ສ່ວນການຜ່າຕັດນັ້ນຜ່ານໄປດ້ວຍດີຄົນເຈັບກຳລັງພັກຟື້ນ ແລະ ແຂງແຮງດີ