spot_img
Homeປະເພນີ-ວັດທະນະທຳປະຫວັດຄວາມເປັນມາ ກ່ຽວກັບການ ໄຫລເຮືອໄຟ

ປະຫວັດຄວາມເປັນມາ ກ່ຽວກັບການ ໄຫລເຮືອໄຟ

Published on

ແຕ່ກ່ອນ ມີຄູ່ຜົວເມຍກາເຜືອກ ເຮັດຮັງຢູ່ເທິງຕົ້ນເດື່ອແຄມນ້ຳ ແລະ ມີໄຂ່ ກຳລັງຈະຝັກ 5 ໜ່ວຍ. ມີມື້ໜຶ່ງ, ລົມພາຍຸເກີດຂຶ້ນ ເຮັດໃຫ້ຕົ້ນເດື່ອຖືກພັດຫັກລົງນ້ຳ. ກາເຜືອກທັງສອງແມ່ນໄດ້ເສຍຊີວິດ ແລະ ໄຂ່ທັງ 5 ໄດ້ໄຫຼ ໄປຕາມນ້ຳ.

+ ໜ່ວຍທີ່ 1 ໄດ້ໄຫຼໄປຕົກຢູ່ທ່າຂອງພະຍາ ກຸກຸສັນໂທ (ພະຍາໄກ່), ພະຍາໄກ່ ກໍ່ເອົາໄປຟັກ

+ ໜ່ວຍທີ່ 2 ໄຫຼໄປຕົກຢູ່ທ່ານ້ຳຂອງພະຍາໂກນະຄະມະໂນ (ພະຍານາກ) ພະຍານາກ ກໍ່ເອົາໄປຟັກ

+ ໜ່ວຍທີ່ 3 ໄຫຼໄປຕົກຢູ່ທ່າຂອງພະຍາ ກັດສະໂປ (ພະຍາເຕົ່າ) ພະຍາເຕົ່າກໍ່ເອົາໄປຟັກ

+ ໜ່ວຍທີ່ 4 ໄຫຼໄປຕົກຢູ່ທ່າຂອງພະຍາ ໂຄຕະໂມ (ພະຍາງົວ) ພະຍາງົວກໍ່ເອົາໄປຟັກ

+ ໜ່ວຍທີ່ 5 ໄດ້ໄຫຼໄປຕົກຢູ່ທ່າຂອງພະຍາ ອະລິຍະເມດໄຕໂຍ (ພະຍາລາສະສີ) ພະຍາລາສະສີ ກໍ່ເອົາໄປຟັກ

ໃນເມື່ອໄຂ່ທັງ 5 ໜ໋ວຍ ໄດ້ແຕກອອກມາເປັນຄົນ, ຜູ້ໃຫຍ່ກ້າໜ້າບານຂຶ້ນມາ ກໍ່ຄິດຢາກຈະອອກໄປບວດເປັນພະລືສີທຳມະໂພທິສັດ. ພາຍຫຼັງອອກບວດແລ້ວ ທຸກຄົນກໍ່ມີໃຈໃສສັດທາ ຢາກເຫັນໜ້າບິດາມານດາ ຜູ້ບັງເກີດເກົ້າຂອງຕົນ, ໂດຍທີ່ທັງ 5 ແມ່ນບໍ່ຮູ້ວ່າ ພວກເຂົາມີພໍ່ແມ່ດຽວກັນ.

ມາມື້ໜື່ງ ລືສີທັງ 5 ອົງ ໄດ້ມາພົບກັນ ຈິ່ງໄດ້ມີການໂອ້ລົມສົນທະນາ ຖາມຂ່າວຄາວເລື່ອງລາວຂອງກັນແລະກັນ ວ່າມີທຸກສຸກ ແລະ ມາຈາກບ້ານເມືອງໃດ.

ໃນເວລານັ້ນ, ປະກົດວ່າຄວາມຕັ້ງໃຈຂອງແຕ່ລະຕົນແມ່ນຢາກເຫັນໜ້າບິດາມານດາ ຄືກັນ ອັນເປັນເລື່ອງບັງເອີນແທ້. ໃນທັນໃດນັ້ນ, ກໍ່ປະກົດວ່າຄວາມປາຖະໜານີ້ໄດ້ຮ້ອນເຖິງ ບິດາມານດາ ທີ່ຢູ່ຊວງສະຫວັນຊັ້ນຟ້າດາວະດິງ, ດ້ວຍເຫດນັ້ນ, ສອງພະອົງຈິ່ງໄດ້ສະເດັດລົງມາພົບ ລູກຊາຍ ທັງ 5 ພະອົງ ແລະ ກ່າວຂຶ້ນວ່າ ບິດາມານດາ ຂອງພວກເຈົ້າຂອງພວກເຮົາກາເຜືອກນີ້ແລ້ວ. ເມື່ອທັງ 5 ອົງຮັບຮູ້ວ່າ ແມ່ນບິດາມານດາຂອງຕົນ ກໍ່ສະແດງຄວາມດີໃຈ ແລະ ຄວາມເຄົາລົບ ຄາລະວະ ຕໍ່ພະບູລຸດຂອງຕົນເອງ. ພະຍາກາເຜືອກ ໄດ້ເລົ່າເລື່ອງລາວເຫດການຕ່າງໆ ທັງໝົດໃຫ້ຟັງ ແລະ ຈາກນັ້ນ ກໍ່ກັບຄືນສູ່ສະຫວັນ. ແຕ່ກ່ອນທີ່ຈະກັບ ລູກຊາຍທັງ 5 ໄດ້ຂໍຮ້ອງໃຫ້ພະຍາເຜືອກທັງສອງ ຢຽບຫີນສີລາ ໃຫ້ເປັນຮອຍຕີນໄວ້ ເພື່ອເປັນທີເຄົາລົບບູຊາ ເມື່ອຍາມຄິດຮອດຄິດເຖິງ.

ພະຍາກາເຜືອກໄດ້ສັ່ງລູກໄວ້ວ່າ ເພື່ອເປັນການລະນຶກເຖິງບຸນຄຸນຂອງບັນພະບູລຸດ ເມື່ອເຖິງເດືອນ 11 ເພງ ຂອງທຸກໆ ປີ, ໃຫ້ພວກລູກຝັ້ນຝ້າຍເຮັດເປັນຮູບຕີນກາເອົາວາງໃສ່ຖ້ວຍ ຫຼື ຈານແບນ ແລ້ວເອົານ້ຳມັນຖອກໃສ່ໄຕ້ບູຊາ ແລ້ວຂຶ້ນໄປຟັງທຳມະເທດສະໜາ ນຳພໍ່ກັບແມ່ ຢູ່ເທິງສະຫວັນເດີ ລູກເດີ!

ມື້ແຮມ 1 ຄ່ຳເດືອນ 11 ທັງ 5 ພະອົງ ໄດ້ກັບຄືນລົງສູ່ ໂລກມະນຸດ ເພື່ອເຜີຍແຜ່ສິນລະທຳຄຳສອນ, ຈິ່ງໄດ້ເອົາໄມ້ມາເຮັດເປັນຮູບເຮືອ, ເອົາຝ້າຍເຮັດເປັນຕີນກາໃສ່ຖ້ວຍນ້ຳມັນ ຢາຍເປັນຫວ່າງສະເໝີ່ກັນໄຕ້ບູຊາ ຫຼື ເອົາໃບຕອງມາເຮັດເປັນຮູບດອກບົວ (ກະໂທງ) ແລະ ໄຫຼໄປຕາມແມ່ນ້ຳ ເພື່ອນ້ອມລະນຶກເຖິງຄຸ່ນບິດາ ມານດີ ບູຊາພະເຈົ້າທັງ 5 ພະອົງ ທີ່ສະເດັດລົງມາສູ່ໂລກມະນຸດເພື່ອເຜີຍແຜ່ ສ້ິລະທຳຄຳສັງສອນ, ສຳລັບລູກພະຍາກາເຜືອກທັງ 5 ແມ່ນໄດ້ເອົາຊື່ແມ່ລ້ຽງຂອງຕົນເປັນຊື່ ນັ້ບແຕ່ນັ້ນເປັນຕົ້ນມາ ພວກເຮົາຈິ່ງພາກັນເອີ້ນວ່າ ພະເຈົ້າທັງ 5 ພະອົງຄື: ກຸກຸສັນໂທ, ໂກນະຄະມະໂນ, ກັດສະໂປ, ໂຄຕະໂມ ແລະ ອະລິຍະເມດໄຕໂຍ.

ສະນັ້ນ, ພວກເຮົາຈິ່ງເຮັດເຮືອໄຟ, ກະໂທງດອກບົວ ເພື່ອນ້ອມລະນຶກເຖິງ ຄຸນບິດາມານດາ ແລະ ບູຊາພະລັດຕະນະໄຕ ພະເຈົ້າທັງ 5 ພະອົງ ທີ່ສະເດັດມາຈາສວງສະຫວັນ ເພື່ອລົງມາເຜີຍແຜ່ສີລະທຳແກ່ໂລກມະນຸດ.

 

ຂໍ້ມູນໂດຍ: ໄຊຍະແສງ ພັນທະວົງ

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...