ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມື່ອວັນທີ 1 ຕຸລາ ວ່າ ປະທານາທິບໍດີ ໂດນັລ ທຣັມ ທະວິດຂໍ້ຄວາມເມື່ອວັນອາທິດ ວ່າເຂົາໄດ້ບອກກັບທ່ານ ເຣັກຊ໌ ທິລເລີສັນ ລັດຖະມົນຕີກະຊວງຕ່າງປະເທດ ວ່າກຳລັງເສຍເວລາລ້າກັບການເຈລະຈາກັບມະນຸດຈະຫຼວດນ້ອຍ ເຊິ່ງໝາຍເຖິງ ທ່ານ ຄິມ ຈອງ ອຶນ ຜູ້ນຳສູງສຸດຂອງເກົາຫຼີເໜືອ

ການທະວິດດັ່ງກ່າວຂອງທຣັມໄດ້ມີຂຶ້ນ ຫຼັງທິລເລີສັນເຂົ້າພົບປະທານາທິບໍດີ ສີຈິ້ນຜິງ ແລະ ທ່ານ ອີ້ ລັດຖະມົນຕີກະຊວງການຕ່າງປະເທດຈີນ ທີ່ນະຄອນຫຼວງ ປັກກິ່ງ ເມື່ອທ້າຍອາທິດທີ່ຜ່ານມາ ແລະ ກ່າວວ່າສະຫະລັດຍັງຄົງສະ ແຫວງຫາໂອກາດໃນການຕິດຕໍ່ໂດຍຕົງເພື່ອການເຈລະຈາກັບເກົາຫຼີເໜືອ ແຕ່ບໍ່ໄດ້ຮັບຄວາມສົນໃຈ ແລະ ການຕອບສະໜອງຂອງອີກຝ່ານ ຂະນະທີ່ສຳນັກຂ່າວເກົາຫຼີເໜືອ (ເຄຊີເອັນເອ) ຕອບໂຕ້ວ່າ ລັດຖະບານທຣັມດຳເນີນນະໂຍບາຍ “ຈິດຕະວິທະຍາແບບເກົ່າ” ທີ່ມີແຕ່ຈະເປັນ “ການຂ້າຕົວຕາຍໃຫ້ສະຫະລັດຕ້ອງໄໝ້ເປັນຝຸ່ນເທົ່ານັ້ນ”