ໃນເວລາປະມານ 18:10 ໂມງຂອງວັນທີ 26 ສິງຫາຜ່ານມານີ້ ທີ່ບໍລິເວນບ້ານເຊທ່າມວກ ເມືອງພີນ ແຂວງສະຫວັນ
ນະເຂດ ໄດ້ເກີດເຫດລົດເມໝາຍເລກທະບຽນ ກຳແພງນະຄອນ ບກ 9559, ສາຍຫວຽດນາມ ແລ່ນມາດ້ວຍຄວາມ
ໄວ ແລະ ໄດ້ຕຳເອົາເດັກນ້ອຍຢ່າງແຮງ ເຮັດໃຫ້ເດັກເສຍຊີວິດຄາທີ່.
ຕາມການບອກເລົ່າຂອງຜູ້ເຫັນເຫດການວ່າ: ເດັກນ້ອຍທີ່ຖືກຕຳ, ເບື່ອງຕົ້ນແມ່ນຢືນຢູ່ຂ້າງທາງກັບພໍ່ເຖົ້າ, ແຕ່
ທັນໃດລາວໄດ້ຍ່າງອອກມາແຄມທາງ ໂດຍທີ່ພໍ່ເຖົ້າຂອງລາວບໍ່ທັນເຫັນ ບວກກັບຄວາມໄວຂອງລົດທີ່ແລ່ນມາ ຈິ່ງ
ຕຳເອົາເດັກນ້ອຍຈົນເສຍຊີວິດ ຈາກການສອບຖາມຂໍ້ມູນຮູ້ວ່າ: ເດັກນ້ອຍທີ່ເສຍຊີວິດ ແມ່ນຢູ່ບ້ານສີບຸນເຮືອງ
ເມືອງພີນ ແຂວງສະຫວັນນະເຂດ.
ເຫດການນີ້ ໄດ້ເປັນອຸທາຫອນໃຫ້ມີຄວາມລະມັດລະວັງໃນການໃຊ້ລົດໃຊ້ຖະໜົນ, ການຂັບຂີ່ລົດຕ້ອງໄດ້ປະຕິບັດ
ຕາມກົດລະບຽບຈະລາຈອນກຳນົດໄວ້ຢ່າງເຄັ່ງຄັດ ໂດຍສະເພາະແລ້ວແມ່ນໃນເຂດຊຸມຊົນ ພ້ອມນີ້ ກໍໃຫ້ເອົາໃຈໃສ່
ເບິ່ງແຍງລູກຫຼານຂອງຕົນ ແລະ ຄວນບອກສອນເຂົາເຈົ້າໃຫ້ລະມັດລະວັງໃນການຂ້າມທາງ ຫຼື ອັນຕະລາຍທີ່ອາດ
ເກີດຂື້ນຈາກລົດຈາກຖະໜົນ ທັງນີ້ ກໍເພື່ອບໍ່ໃຫ້ເກີດເຫດການທີ່ໜ້າເສົ້າແບບນີ້ຂຶ້ນອີກ.
ແຫຼ່ງຂ່າວ: ເສດຖະກິດ – ສັງຄົມ