ອົດສະຕາລີ ປະກາດກັບຄືນຊອກຫາເຮືອບິນຂອງສາຍການບິນມາເລເຊຍຕໍ່ ໃນພື້ນທີ່ທີ່ພົບສັນຍານດາວທຽມ
ໃນເທື່ອທຳອິດ.
ສຳນັກຂ່າວຂອງຕ່າງປະເທດລາຍງານ ໃນວັນທີ 28 ສິງຫາ 2014 ນີ້ວ່າ ຄວາມຄືບໜ້າຂອງການຄົ້ນຫາເຮືອບິນ
ຖ້ຽວບິນ MH370 ຂອງສາຍການບິນມາເລເຊຍທີ່ຫາຍສາບສູນໄປ ນັບຕັ້ງແຕ່ວັນທີ 8 ມິຖຸນາ 2014 ທີ່ຜ່ານມາ
ວ່າອາດຈະມີການກັບຄືນມາຄົ້ນຫາ ໃນພື້ນທີ່ທີ່ໄດ້ກວດພົບສັນຍານຄັ້ງລ່າສຸດ ໃນພື້ນທີ່ທາງພາກໃຕ້ຂອງມະ
ຫາສະໝຸດອິນເດຍ ໂດຍຄັ້ງນີ້ ຈະຂະຫຍາຍຜົນຈາກຂໍ້ມູນດາວທຽມໃນຄັ້ງທີ່ແລ້ວ.
ລາຍງານດັ່ງກ່າວ ຖືກປະກາດຫຼັງຈາກທາງການຂອງອົດສະຕາລີ ຕົກລົງກັບມາເລເຊຍ ທີ່ຈະຮ່ວມກັນຄົ້ນຫາ
ເຮືອບິນລຳດັ່ງກ່າວຮ່ວມກັນ ເຊິ່ງຈາກການວິເຄາະຂອງຜູ້ຊ່ຽວຊານທີ່ຜ່ານມາໄດ້ເຊື່ອວ່າ ເຮືອບິນລຳດັ່ງກ່າວ
ສິ້ນສຸດການເດີນທາງ ໃນພື້ນທີ່ທາງພາກຕາເວັນຕົກຂອງເມືອງເພີດ ປະເທດອົດສະຕາລີ.