ຜູ້ສູງໄວສ່ວນຫຼາຍມັກນອນຫາຍໃຈຝືດໃນຕອນກາງຄືນ ເນື່ອງຈາກມີຂີ້ກະເທີ່ໄປຕັນຮູຄໍ ເຮັດໃຫ້ເກີດຫານຄັນຄໍແລະ ໄອ ແຕ່ອາການແບບນີ້ກໍ່ສາມາດພົບກັບ ເດັກນ້ອຍ ແລະ ໄວໜຸ່ມໄດ້ຄືກັນ ໂດຍສະເພາະໃນຍາມເປັນຫວັດເປັນໄປ ໃນຄໍລຳສຸຂະພາບມື້ນີ້ ແອັດກໍ່ມາພ້ອມກັບສູດຮັກສາອາການຄັນຄໍ ໄອ ແລະ ມີຂີ້ກະເທີ່ ມາຝາກເຊິ່ງຈະເຮັດແນວໃດນັ້ນເຮົາມາຮູ້ຈັກໄປພ້ອມກັນເລີຍ
ສູດນ້ຳໜາກນາວນ້ຳເຜິ້ງ
- ນ້ຳອຸ່ນເຄິ່ງຈອກ
- ໜາກນາວເຄິ່ງໜ່ວຍ
- ນ້ຳເຜິ້ງ 1 ບ່ວງກາເຟ
- ເກືອເລັກນ້ອຍ
ນຳສ່ວນປະສົມທັງໝົດຄົນໃຫ້ເຂົ້າກັນຈາກນັ້ນກໍ່ດື່ມລົງໄປ ຈະເຮັດໃຫ້ຄໍຊຸມ ຫຼຸດອາການຄາຍຄໍ ແລະ ເຮັດໃຫ້ນອນຫຼັບສະບາຍ ຜູ້ສູງອາຍຸຄວນດື່ມທຸກຄືນກ່ອນນອນ ຈະເຮັດໃຫ້ຫຼັບສະບາຍຂຶ້ນ.