ການຈັດຕັ້ງປະຕິບັດວຽກງານບັງຄັບໃຊ້ກົດໝາຍວ່າດ້ວຍສັດປ່າ ແຂວງອຸດົມໄຊ ເປັນໜຶ່ງໃນວຽກງານທີ່ໄດ້ຮັບການສະໜັບສະໜູນຈາກ ອົງການກອງທຶນອະນຸຮັກທຳມະຊາດໂລກ ປະຈຳ ສປປ ລາວ (WWF-Laos).
ໃນວັນທີ 1 ກັນຍາ 2017 ຜ່ານມາ ທີ່ເມືອງຮຸນ ແຂວງອຸດົມໄຊ ເຈົ້າໜ້າທີ່ປ່າໄມ້ ກອງກວດກາປ່າໄມ້ ໄດ້ໝີດຳມາມອບໃຫ້ສູນອະນຸຮັກໝີລາວ-ຟື້ນຟູສັດປ່າ ແຂວງຫຼວງພະບາງ ມອບໂດຍທ່ານ ຄຳນ້ອຍ ບຸນຈຳປາ ຮອງຫົວໜ້າກອງກວດກາປ່າໄມ້ ແຂວງອຸດົມໄຊ ແລະ ຮັບໂດຍທ່ານ ແມ໋ດຮັນ ຈາກສູນອະນຸຮັກໝີລາວ ແລະ ຟື້ນຟູສັດປ່າ ແຂວງຫຼວງພະບາງ ມີຜູ້ຕາງໜ້າຈາກຫ້ອງການກະສິກຳ ແລະ ປ່າໄມ້ ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ພາກສ່ວນກ່ຽວຂ້ອງເຂົ້າຮ່ວມ ການມອບ-ຮັບສັດປ່າດັ່ງກ່າວໃຫ້ໄດ້ຮັບການຄຸ້ມຄອງຕໍ່ສູນອະນຸຮັກໝີລາວ ແລະ ຟື້ນຟູສັດປ່າ.
ໝີດຳດັ່ງກ່າວ ມີນ້ຳໜັກ 80 ກິໂລ ແລະ ນອນຢູ່ໃນຊະນິດພັນສັດປ່າທີ່ໄດ້ຮັບການຄຸ້ມຄອງ ພາຍໃຕ້ກົດໝາຍວ່າດ້ວຍສັດນ້ຳ ແລະ ສັດປ່າຂອງ ສປປ ລາວ ໄດ້ຖືກຍຶດຈາກຜູ້ຄອບຄອງທີ່ບໍ່ໄດ້ຮັບອະນຸຍາດ ໂດຍເຈົ້າໜ້າທີ່ປ່າໄມ້ ແຂວງອຸດົມໄຊ.
ແຫລ່ງຂ່າວ: ໜັງສືພິມວຽງຈັນໃໝ່