ຈືນໝູຕິດນ້ຳມັນ
ຈືນໝູຕິດນ້ຳມັນກອບ ພວກນີ້ບໍ່ແມ່ນອາຫານທີ່ອັນຕະລາຍຖ້າຫາກບໍ່ໄດ້ຮັບປະທານເລື້ອຍ ແຕ່ຖ້າຮັບປະທານເລື້ອຍໆ ເຮັດໃຫ້ສົ່ງຜົນເສຍຕໍ່ສຸກຂະພາບໃນອະນາຄົດໄດ້ ເພາະມີນ້ຳມັນ ແລະ ໄຂມັນຫລາຍ
2. ທັນຍະພືດກ້ອນ
ແນ່ນອນວ່າທັນພືດເປັນອາຫານທີ່ມີປະໂຫຍດ ແຕ່ທັນຍະພືດກ້ອນນັ້ນເປັນອາຫານທີ່ໄດ້ຮັບການແປຮູບຈາກຜູ້ຜະລິດມາແລ້ວ ຜູ້ຜະລິດອາດໃສ່ນ້ຳຕານຫລາຍເກີນໄປ ເຮັດໃຫ້ຕຸ້ຍໄດ້
3. ເຂົ້າໝົມຄູ່ ຈ້ຳນົມຂຸ້ນຫວານ
ເຂົ້າໝົມຄູ່ ເຮັດຈາກແປ້ງຂັດຂາວ ເປັນຊະນິດຂອງແປ້ງທີ່ປ່ຽນເປັນນ້ຳຕານ ແລະ ເຂົ້າສູ່ກະແສເລືອດໄດ້ໄວແຖມເຂົ້າໝົມຄູ່ນັ້ນເຮັດດ້ວຍວິທີທອດໃນນ້ຳມັນໝໍ້ໃຫຍ່ ຍິ່ງສົ່ງຜົນເສຍເພີ່ມຂຶ້ນ
4. ໝູປິ້ງ
ການຮັບປະທານໝູປິ້ງຄູ່ກັບເຂົ້າໜຽວບໍ່ແມ່ນອາຫານເຊົ້າທີ່ຮ້າຍແຮງ ແຕ່ໂດຍສ່ວນຫລາຍໝູປິ້ງທີ່ຂາຍກັນມັກມີສ່ວນທີ່ໄໝ້ ອາດຈະເຮັດໃຫ້ເກີດຄວາມສ່ຽງພະຍາດມະເຮັງໄດ້
5. ຂະໜົມຄອກ
ຂະໜົມຄົກເປັນອາຫານຍາມເຊົ້າຂອງບາງຄົນ ແຕ່ຢ່າລືມວ່າຂະໜົມຄົກນັ້ນເປັນຂອງຫວານ ເພາະສະນັ້ນຫາກຮັບປະທານເປັນອາຫານເຊົ້າຍ່ອມໄດ້ຮັບສານອາຫານບໍ່ຄົບຖ້ວນ ຖ້າຈະຮັບປະທານຄວນຮັບປະທານເປັນຂອງວ່າງໃນປະລິມານບໍ່ຫລາຍດີກວ່າ
ແຕ່ການບໍລິໂພກອາຫານທຸກຊະນິດລ້ວນໃຫ້ປະໂຫຍດ ແລະ ໂທດໄດ້ທັງນັ້ນ ແນວໃດກໍ່ຕາມກໍຄວນຮັບປະທານແຕ່ພໍດີ ແລະ ອອກກຳລັງກາຍເພື່ອສຸຂະພາບ