ເອພີລາຍງານເມືອວັນທີ 18 ກັນຍາ 2017 ວ່າ ກອງທັບສະຫະລັດອາເມລິກາ ສົ່ງເຮືອບິນຖິ້ມລະເບີດບີ-1ບີ 2 ລຳ ແລະ ເຮືອບິນສເຕີເອຟ-35 ບີ 4 ລຳ ພ້ອມເຮືອບິນຂັບໄລ່ເອຟ-15 ເຄ ຂອງກອງທັບເກົາຫຼີໃຕ້ອີກ 4 ລຳ ຊ້ອມຮົບຍິງອາວຸດແທ້ ເໜືອແຫຼມເກົາຫຼີ ແລະ ໃກ້ກັບຍີ່ປຸ່ນ ຫຼັງຈາກເກົາຫຼີເໜືອຫາກໍ່ຍິງຂີປະນາວຸດຂ້າມເກາະຮັອກໄກໂດຂອງຍີ່ປຸ່ນເມື່ອວັນທີ 15 ກັນຍາ ທີ່ຜ່ານມາ
ດ້ານຈີນ ທ່ານ ລຼ່ກັງ ໂຄສົກກະຊວງການຕ່າງປະເທດຈີນກ່າວໃນການຖະແຫຼງຂ່າວຕົ້ນອາທິດວ່າ ການຂົ່ມຂູ່ທາງທະຫານກັນໄປມານັ້ນບໍ່ແມ່ນວິທີສ້າງສັນ ເພາະບໍ່ໄດ້ຊ່ວຍແກ້ໄຂບັນຫາ ແລະ ຍັງເຮັດໃຫ້ສະພາບເຫດການຊັບຊ້ອນຂຶ້ນໄປຕື່ມອີກ ເຊິ່ງບໍ່ເປັນຜົນດີເລີຍ