spot_img
Homeຂ່າວເຫດການການລັກລອບຕັດໄມ້ຍັງມີແຜ່ຫຼາຍ ມີການກວດພົບດຳເນີນຄະດີແລ້ວຫຼາຍກໍລະນີ

ການລັກລອບຕັດໄມ້ຍັງມີແຜ່ຫຼາຍ ມີການກວດພົບດຳເນີນຄະດີແລ້ວຫຼາຍກໍລະນີ

Published on

 

ກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ຕະຫຼອດໄລຍະຜ່ານມາ ຂະແໜງການຂອງຕົນ ໄດ້ເອົາໃຈໃສ່ສຶກສາອົບຮົມ

ເຜີຍແຜ່ກົດໝາຍວ່າດ້ວຍປ່າໄມ້, ກົດໝາຍວ່າດ້ວຍສັກນ້ຳ-ສັດປ່າໃຫ້ປະຊາຊົນຢູ່ເຂດຄຸ້ມຄອງປ່າໄມ້ຂອງຊາວ

ບ້ານ ແລະ ນຳໃຊ້ມາດຕະການຕ້ານປາກົດການຫຍໍ້ທໍ້ຢ່າງເຂັ້ມງວດ, ແຕ່ກໍຍັງມີການລັກລອບຕັດໄມ້ຢູ່ເປັນປະຈຳ

ຄື ໃນໄລຍະ 1 ເດືອນຜ່ານມາ ໜ່ວຍງານກວດກາປ່າໄມ້ຍຶດໄມ້ ແລະ ດຳເນີນຄະນະດີຕໍ່ຜູ້ລັກລອບຊັບພະຍາກອນ

ປ່າໄມ້ ຢູ່ບັນດາແຂວງຕ່າງໆຄື: ແຂວງຄຳມ່ວນ ມີ 2 ຄະດີ, ຍຶດໄມ້ດູ່ໄດ້ 106 ຕັບ, ເທົ່າກັບ 19,58 ແມັດກ້ອນ, ໄມ້

ຂະຍຸງ 400 ກິໂລ, ນອກນັ້ນ ຍັງໄດ້ດຳເນີນຄະດີຕໍ່ຜູ້ທີ່ເຜົ່າຖ່ານດັງໄຟຜິດກົດໝາຍອີກຈຳນວນໜຶ່ງ, ສ່ວນແຂວງ

ສະຫວັນນະເຂດມີ 1 ຄະດີ, ຍຶດໄມ້ກະຈະໄດ້ຈຳນວນ 52 ທ່ອນ, ເທົ່າກັບ 116,18 ແມັດກ້ອນ, ຊຽງຂວາງ ມີ 1 ຄະດີ,

ຍຶດໄມ້ກະບໍ້ໄດ້ 509 ທ່ອນ, ບໍລິມາດ 22,65 ໂຕນ ແລະ ແຂວງຫົວພັນມີ 1 ຄະດີ, ຍຶດໄມ້ຮຳຊາຍໄດ້ 15 ຕັບ, ເທົ່າກັບ

0.853 ແມັດກ້ອນ, ຊຶ່ງຈຳນວນຜູ້ກະທຳຜິດທັງໝົດ ໄດ້ຖືກດຳເນີນຄະນະດີຕາມລະບຽບກົດໝາຍ, ເຖິງຢ່າງໃດ

ກໍຕາມ ເພື່ອກຳຈັດຂະບວນການລັກລອບຕັດໄມ້ ແລະ ຄ້າໄມ້ເຖື່ອນ, ທາງຂະແໜງກະສິກຳ ແລະ ປ່າໄມ້ໄດ້ສືບຕໍ່

ລົງເຮັດວຽກຮ່ວມກັບຄະນະສະເພາະກິດ ກວດກາການເຄື່ອນຍ້າຍໄມ້, ທີ່ລັກລອບຊື້-ຂາຍແບບບໍ່ຖືກຕ້ອງຕາມ

ກົດໝາຍ, ພ້ອມນັ້ນກໍໄດ້ສົມທົບກັບກົມຄຸ້ມຄອງຊັບພະຍາກອນໄມ້, ກະຊວງຊັບພະຍາກອນທຳມະຊາດ ແລະ

ສິ່ງແວດລ້ອມ ລົງຕິດຕາມການຂຸດຄົ້ນໄມ້ ແລະ ການສົ່ງອອກ ໄມ້ໃຫ້ຖືກລະບຽບກົດໝາຍ.

 

ແຫຼ່ງຂ່າວ: ລາວພັດທະນາ

ບົດຄວາມຫຼ້າສຸດ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດພະເທບ ແຫ່ງ ຣາຊະອານາຈັກໄທ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດ ພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ ຣາຊະອານາຈັກໄທ. ໃນຕອນບ່າຍຂອງວັນທີ 22 ເມສາ 2025,...

ນັກທ່ອງທ່ຽວຕ່າງຊາດທີ່ຈະເດີນທາງເຂົ້າໄທ ດ້ວຍພາສປອດຕ້ອງໄດ້ຂຽນຟອມອອນລາຍ ເລີ່ມ 1 ພຶດສະພານີ້

ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ (ນັກທ່ອງທ່ຽວ, ຄົນຕ່າງປະເທດ) ທີ່ຈະເດີນທາງໄປປະເທດໄທ ຕ້ອງໄດ້ເຂົ້າຕື່ມແບບຟອມ (TDAC) ລິ້ງ https://tdac.immigration.go.th/arrival-card/#/home ທາງອອນລາຍ...

ຍຶດຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ.

ກອງບັນຊາການ ປກສ ແຂວງບໍ່ແກ້ວ ຍຶດຂອງກາງ ຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ. ໃນຄັ້ງວັນທີ 21...

ປກສ ນະຄອນໄກສອນ ພົມວິຫານ ຈັບຜູ້ສໍ້ໂກງ ແລະ ລັກຊັບ

ເຈົ້າໜ້າທີ່ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັບທ້າວ ວັນນະລາດ ອາຍຸ 55 ປີ ອາຊີບກຳມະກອນ ເຊື້ອຊາດ-ສັນຊາດລາວ ບ້ານເກີດໂພນໄຊ ເມືອງໂພນໂຮງ...