ສຳນັກຂ່າວຕ່າງປະເທດລາຍງານຈາກນະຄອນຫຼວງ ນິວຢອກ ປະເທດສະຫະລັດອາເມລິກາ ເມື່ອວັນທີ 6 ກັນຍາ 2017 ວ່າ ເອກອັກຄະຣາຊທູດສະຫະລັດປະຈຳສະຫະປະຊາຊາດ (ຢູເອັນ) ສະເໜີຮ່າງມາດຕະການຂວ້ຳບາດເກົາຫຼີເໜືອຄັ້ງໃໝ່ເຂົ້າສູ່ການພິຈາລະນາຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (ຢູເອັນເອສຊີ) ເພື່ອລົງ ໂທດ ທີ່ລັດຖະບານປຽງຢາງທົດສອບລະເບີດນິວເຄຣຍຄັ້ງທີ 6 ເຊິ່ງເປັນຄັ້ງທີ່ລະເບີດມີອານຸພາບຮຸນແຮງທີ່ສຸດ ເມື່ອວັນອາທິດທີ່ຜ່ານມາ ໂດຍຄາດວ່າຈະມີການປະຊຸມລົງມະຕິໃນວັນຈັນທີ 11 ກັນຍານີ້
ຂະນະດຽວກັນແຜນການຂວ້ຳບາດທີ່ສະຫະລັດສະເໜີເຊິ່ງມີຄວາມຍາວ 13 ໜ້າ ຍັງຮວມເຖິງການຈຳກັດການສົ່ງ ອອກເສື້ອຜ້າ ສິນຄ້າສຳເລັດຮູບຂອງເກົາຫຼີເໜືອ ແຕ່ທີ່ໜ້າສົນໃຈທີ່ສຸດຄືການກຽມຂຶ້ນບັນຊີດຳທ່ານ ຄິມ ຈອງ ອຶນ ຜູ່ນຳສູງສຸດຂອງເກົາຫຼີເໜືອ ແລະເຈົ້າໜ້າທີ່ລະດັບສູງໃນພັກຄົນງານເກົາຫຼີອີກ 4 ຄົນ ໂດຍຈະມີການຢຶດຊັບສິນໃນຕ່າງປະເທດ ແລະ ຫ້າມເດີນທາງຢ້ຽມຢາມຕ່າງປະເທດ ນອກຈາກນີ້ ສາຍການບິນແຫ່ງຊາດເກົາຫຼີເໜືອ ຢ່າງ “ແອຣໂຄຣຍໍ” ກອງທັບປະຊາຊົນເກົາຫຼີເໜືອ (ເຄພີເອ) ແລະ ໜ່ວຍງານຮັບອີກ 8 ແຫ່ງຈະຖືກຂຶ້ນບັນຊີດຳຄືກັນ