ຕໍ່ຈຳນວນເປັນຮ້ອຍບິນອອກຈາກຮັງ ແລ້ວໄປຫຸ້ມຕອດເດັກນ້ອຍ ປີປາຍ ທີ່ກຳລັງນອນຢູ່ເປກ້ອງຮົ່ມໄມ້ ເປັນເຫດໃຫ້ເສຍຊີວິດຢ່າງສະເທືອນໃຈ.
ແຫຼ່ງຂ່າວຈາກປະເທດໄທລາຍງານວ່າ ເມື່ອວັນທີ 15 ສິງຫາ 2017 ທີ່ຜ່ານມາ ໄດ້ເກີດເຫດເສົ້າສະເທືອນໃຈຂຶ້ນ ເມື່ອຜູ້ເປັນພໍ່ໄດ້ເອົາລູກຊາຍອາຍຸ 1 ປີ 4 ເດືອນ ໄປແຂວນເປໃຫ້ນອນຢູ່ກ້ອງຮົ່ມໄມ້ ຂະນະລໍຖ້າພໍ່ຮັບຈ້າງຕັດຕົ້ນໄມ້ ເຄາະຮ້າຍພໍ່ຕັດຖືກງ່າໄມ້ທີ່ມີຮັງຕໍ່ຂະໜາດໃຫຍ່ ຕົກລົງມາ ຝຸງຕໍ່ນັບຮ້ອຍໆໂຕໄດ້ແຕກອອກຈາກຮັງ ແລ້ວໄປຫຸ້ມຕອດລູກຊາຍຈົນເສຍຊີວິດ.
ເຫດການດັ່ງກ່າວໄດ້ເກີດຂຶ້ນທີ່ ຈັງຫວັດການຈະນະບູລີ ປະເທດໄທ ເຊິ່ງເປັນອຸທາຫອນສອນໃຈ ໃຫ້ມີສະຕິ ຫຼີກລ້ຽງຕໍ່ການລົບກວນຮັງຕໍ່ ໂດຍສະເພາະແມ່ນເດັກນ້ອຍ ຖ້າຖືກແຕນຫຼືຕໍ່ຕອດ ຈະມີຄວາມຮຸນແຮງເພາະຮ່າງກາຍນ້ອຍ ອາດຈະເຖິງຂັ້ນເສຍຊີວິດໄດ້ງ່າຍໆ ດີແທ້ຖ້າເຫັນຕໍ່ເລິ່ມກໍ່ຮັງຢູ່ຕົ້ນໄມ້ໃກ້ເຮືອນຫຼືໃນເຮືອນ ໃຫ້ກຳຈັດຕັ້ງແຕ່ຫົວທີ ກ່ອນຮັງຕໍ່ຈະຂະຫຍາຍໃຫຍ່ເປັນອັນຕະລາຍ.