ຈາກປະໂຫຍກທີ່ບອກຕໍ່ໆກັນມາວ່າ ກິນຜັກຫລາຍໆ ຈະໄດ້ມີສຸຂະພາບດີ ກິນຫມາກໄມ້ຫລາຍໆ ແລ້ວຈະໄດ້ຜິວສວຍງາມນັ້ນ ບາງທີກໍອາດຈະບໍ່ເປັນເຊັ່ນນັ້ນສະເໝີໄປແລ້ວ ເພາະບອກເລີຍວ່າ ບໍ່ວ່າ ອາຫານ, ຜັກ ,ຫມາກໄມ້ ນັ້ນຈະມີປະໂຫຍດຫລວງຫລາຍຈັກພຽງໃດ ແຕ່ຖ້າກິນຫລາຍໄປ ກໍມີຜົນເສຍນຳກັນເຊັ່ນກັນ
- ໝາກຫຸ່ງ
ໝາກຫຸ່ງ ຫມາກໄມ້ດີ ມີປະໂຫຍດຫລວງຫລາຍໄຂມັນ ແລະ ຄໍເລສເຕີລໍ ນ້ອຍ ແລະ ຍັງດີຕໍ່ລະບົບຂັບຖ່າຍ ຈຶ່ງມີປະສິດທິພາບເໝາະສົມກັບການຫລຸດນ້ຳໜັກເປັນຢ່າງຫລາຍ ແລະ ແນ່ນອນວ່າ ເມື່ອລະບົບຂັບຖ່າຍດີຂຶ້ນນັ້ນ ພະຍາດຕ່າງໆທີ່ ກ່ຽວກັບລະບົບຍ່ອຍອາຫານ ນັ້ນກໍ່ຈະບັນເທົາລົງໄປນໍາ ການຈະກິນໝາກຫຸ່ງ ເປັນຫມາກໄມ້ຫລຸດນ້ຳໜັກນັ້ນ ຈຶ່ງບໍ່ແມ່ນເລື່ອງໜ້າເປັນຫ່ວງແຕ່ຢ່າງໃດ ແຕ່ກໍຄວນກິນໃນປະລິມານທີ່ພໍເໝາະ ບໍ່ຫລາຍຈົນເກີນໄປ ເພາະຖ້າກິນຫລາຍເກີນໄປ ໝາກຫຸ່ງ ອາດເຮັດໃຫ້ທ່ານມີຜິວທີ່ເຫລືອງຂຶ້ນໄດ້ ບໍ່ເຊື່ອກໍຕ້ອງເຊື່ອ ແລະ ນອກຈາກນີ້ ໝາກຫຸ່ງຍັງມີວິຕາມິນເອ ສູງ ຖ້າກິນຫລາຍເກີນໄປ ມີຄວາມສ່ຽງຕໍ່ກະດູກ ແລະ ຂໍ້ຕໍ່ ອາດມີອາການເບື່ອອາຫານ ຊຶມເສົ້າ ນອນບໍ່ຫລັບ ກະວົນກະວາຍ ຜົມຫລົ່ນ ເຈັບຫົວ ຖອກທ້ອງ
- ໝາກກ້ຽງ
ໃຜໆ ກໍຮູ້ວ່າ ກິນໝາກກ້ຽງຫລາຍໆ ແລ້ວຈະຊ່ວຍໃຫ້ຜິວດີ ລະບົບຂັບຖ່າຍດີ ເພາະໝາກກ້ຽງຈັດເປັນຫມາກໄມ້ປະເພດໜຶ່ງ ທີ່ມີວິຕາມິນຊີສູງຫລາຍ ຊຶ່ງວິຕາມິນຊີ (Vitamin C) ມີປະໂຫຍດຫລາຍຢ່າງ ທັງເສີມສ້າງພູມຄຸ້ມກັນໃຫ້ຮ່າງກາຍ, ປ້ອງກັນອະນຸມູນອິດສະລະ , ຕໍ່ຕ້ານພະຍາດຫົວໃຈ, ຊ່ວຍໃຫ້ສຸຂະພາບເຫືອກແຂງແຮງ ແຖມຍັງໂດ່ງດັງເລື່ອງບັນເທົາອາການຫວັດ ແຕ່ການໄດ້ຮັບປະລິມານວິຕາມິນຊີຫລາຍເກີນໄປ.. ຫລາຍກວ່າ 500ມິນລີກຣາມຕໍ່ມື້ ຕໍ່ເນື່ອງກັນເປັນລະຍະເວລາດົນ ສາມາດເຮັດໃຫ້ເກີດໜິວໃນຫມາກໄຂ່ຫລັງໄດ້ ລວມເຖິງຫາກຮັບປະທານວິຕາມິນຊີຫລາຍເກີນ 1, 000ມິລີກຣາມ ຍັງອາດເຮັດໃຫ້ເກີດອາການຖອກທ້ອງ ແລະ ຫາກທານຕອນທ້ອງວ່າງ ກໍອາດເກີດການລະຄາຍເຄືອງໃນທາງເດີນອາຫານ ເນື່ອງຈາກຄວາມເປັນກົດຂອງວິຕາມິນຊີ ທັງຍັງອາດເກີດອາການທ້ອງອືດ ຫລື ເຖິງຂັ້ນ ຮາກ ໄດ້
- ທູນາ
ທູນາ ປາທະເລນ້ຳເລິກ ໜຶ່ງໃນ ອາຫານ ທະເລມີໄຂມັນ ແລະ ຄໍເລສເຕີລໍຕ່ຳ ມີ DHA (DOCOSAHEXAENOIC ACID) ຊຶ່ງມີປະໂຫຍດໂດຍກົງກັບສະຫມອງ ຊ່ວຍບຳລຸງເຊວສະຫມອງ ແລະ ເສີມສ້າງຄວາມຈຳ ເຖິງແມ່ນປາທູນາຈະມີຄຸນປະໂຫຍດສູງ ແຕ່ສຳລັບ ແມ່ຍິງມີມົດລູກ ເດັກນ້ອຍ ແລະ ຍິງ ທີ່ຫາກໍ່ເກີດ ຄວນຫລີກລ້ຽງ ຫລື ຮັບປະທານນ້ອຍ ປະມານ 3ກ້ອນສຳລັບໄລທູນາ ຫລື 1ກະປ໋ອງສຳລັບທູນາຂາວ ເພື່ອປ້ອງກັນອັນຕະລາຍຈາກສານປອດ ເພາະທູໜ້າມີສານປອດຢູ່ໃນຊີ້ນປາເອງ ຖ້າກິນຫລາຍ ອາດເຮັດໃຫ້ມີປອດສະສົມຫລາຍເກີນໄປໃນຮ່າງກາຍ ອາດເຮັດໃຫ້ເກີດຜົນເສຍ ຕໍ່ລະບົບປະສາດ ເຊັ່ນ ການຕາຍຂອງຊີ້ນສະຫມອງບາງສ່ວນ
- ກະຫລ່ຳ
ກະຫລ່ຳ ຜັກຍອດຮິດ ຂອງ ອາຫານ ສຸດແຊບຊອຍ ກໍຄື ກິນກັບຕຳໝາກຫຸ່ງ ທີ່ດັບເຜັດໄດ້ດີ ຊຶ່ງອັນທີ່ຈິງ ກະຫລ່ຳ ນັ້ນມີປະໂຫຍດຫລວງຫລາຍ ແຕ່ວ່າ ການກິນ ກະຫລ່ຳດິບຫລາຍໆ ອາດເປັນບັນຫາກັບສຸຂະພາບໃນລະຍະຍາວ ພືດຕະກູນກະຫລ່ຳທຸກໂຕ ຈະມີຄຸນສົມບັດໃນການປ້ອງກັນ ແລະ ຍັບຍັ້ງການເກີດມະເຮັງໄດ້ໃນຫລາຍໆ ສ່ວນຂອງຮ່າງກາຍ ບໍ່ວ່າຈະເປັນມະເຮັງລຳໄສ້ໃຫຍ່, ກະເພາະອາຫານ, ເຕົ້ານົມ, ມົດລູກ ຮວຍໄຂ່ ແລະ ຍັງມີລິດໃນການຂັບສານພິດອອກຈາກຮ່າງກາຍໄດ້ ແຕ່ຖ້າທ່ານຮັບປະທານກະຫລ່ຳເປັນປະຈຳ ກໍຈະເພີ່ມປະສິດທິພາບຂອງຕັບໃຫ້ເຮັດວຽກດີຂຶ້ນ ແຕ່ໃນຂະນະດຽວກັນ ໃນກະຫລ່ຳ ກໍມີສານ Goitrogen ຢູ່ຫລາຍ ຊຶ່ງສານGoitrogeno ນີ້ຈະໄປກັນບໍ່ໃຫ້ຕ່ອມນໍ້າເຫລືອງຈັບໄອໂອດີນໄປສ້າງເປັນ Thyroscine ສົ່ງຜົນຈະເຮັດໃຫ້ເກີດພະຍາດຄໍກິນເລືອດໄດ້ ຫາກມັກກິນກະຫລ່ຳປະຈຳ ຄວນກິນ ກະຫລ່ຳສຸກຈະດີກວ່າ ກິນກະຫລ່ຳດິບ ເພາະສານ Goitrogen ນີ້ຈະຖືກທຳລາຍໄດ້ໂດຍການເຮັດໃຫ້ສຸກ ດັ່ງນັ້ນຄວນເຮັດໃຫ້ສຸກ ແລະ ກິນແຕ່ພໍດີ
5. ນ້ຳ
ນ້ຳເປັນສິ່ງທີ່ຮ່າງກາຍຄົນເຮົາຂາດບໍ່ໄດ້ ແຕ່ການດື່ມນ້ຳຫລາຍເກີນມື້ລະ 6-7ລີດ ສ່ຽງເກີດອາການ ໄຮໂປແນຊີເມຍ ສະຫມອງບວມຈົນເສັຍຊີວິດໄດ້ ການດື່ມນ້ຳຫລາຍເກີນໄປ ຈະເຮັດໃຫ້ຮ່າງກາຍໄດ້ຮັບນ້ຳປະລິມານຫລາຍເກີນໄປໃນເວລາວ່ອງໄວ ເຮັດໃຫ້ເກີດພາວະນ້ຳເກີນ ຫລື ນ້ຳເປັນພິດ ແລະ ນ້ຳຈະມີຜົນໃຫ້ທາດ ໂຊດຽມ ໃນເລືອດຫລຸດລົງຢ່າງວ່ອງໄວ ຮ່າງກາຍຈະປິ່ນປົວສົມດຸນນ້ຳ ລະຫວ່າງ ນອກເຊວ ແລະ ພາຍໃນເຊວ ບໍ່ໄດ້ ເຮັດໃຫ້ເຊວບວມ ແລະ ເຮັດໃຫ້ຊັອກ ສະຫມອງບວມ ປອດບວມ ໝົດສະຕິ ແລະ ເສັຍຊີວິດໄດ້ ເພາະສະນັ້ນດື່ມໃນປະລິມານທີ່ເໝາະສົມຕາມປົກກະຕິ ທີ່ມື້ລະ 6-8ຈອກ ຫລື ປະມານ 2ລີດ ດື່ມແບບພໍດີ ກໍພຽງພໍສຳລັບຮ່າງກາຍແລ້ວ