spot_img
Homeມຸມຂ່າວ AECກອງປະຊຸມສຸດຍອດ ອາຊຽນ-ອິນເດຍ ໄຂຂຶ້ນທີ່ບາງກອກ

ກອງປະຊຸມສຸດຍອດ ອາຊຽນ-ອິນເດຍ ໄຂຂຶ້ນທີ່ບາງກອກ

Published on

ກອງປະຊຸມສຸດຍອດ ແລະ ວາງສະແດງສິນຄ້າ ອາຊຽນອິນເດຍ​ ໄດ້ໄຂຂຶ້ນຢ່າງເປັນທາງການ​ ໃນວັນທີ 3 ສິງຫາ 2017 ນີ້​ ທີ່ນະຄອນຫລວງບາງກອກ ປະເທດໄທ ໂດຍໃຫ້ກຽດເຂົ້າຮ່ວມຂອງ ທ່ານ ປະຍຸດ ຈັນໂອຊາ ນາຍົກລັດຖະມົນຕີແຫ່ງ​ ຣາຊະອານາຈັກໄທມີບັນດາ​​ລັດຖະມົນຕີຮອງລັດຖະມົນຕີຜູ້ປະກອບການຈາກ ປະເທດສະມາຊິກອາຊຽນອິນເດຍອົງການຈັດຕັ້ງສາກົນ ແລະ ປະເທດກ່ຽວຂ້ອງເຂົ້າຮ່ວມ ປະມານ 500 ຄົນ ຂະນະທີ່ທ່ານ ສົມຈິດ ອິນທະມິດ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ​ ໄດ້ນຳພາຄະນະຜູ້ແທນ  ລາວ ເຂົ້າຮ່ວມເຊັ່ນກັນ.

ກອງປະຊຸມສຸດຍອດ ແລະ ວາງສະແດງສິນຄ້າ ອາຊຽນອິນເດຍ​ ຄັ້ງນີ້​ ມີຜູ້ປະກອບການທຸລະກິດ ຈາກປະເທດຕ່າງໆ ເຂົ້າຮ່ວມປະມານ 193 ຮ້ານ ໃນນັ້ນ, ​ອາຊຽນ 65 ຮ້ານ (ລາວ​ 10 ຮ້ານແລະ ອິນເດຍ 48 ຮ້ານ ເຊິ່ງສິນຄ້າສ່ວນໃຫຍ່ ທີ່ນຳເອົາວາງສະແດງປະກອບມີຄືເຄື່ອງກົນຈັກກະສິກຳອາຫານວັດສະດຸກໍ່ສ້າງ, ​ເຄື່ອງ ຫັດຖະ​​ກຳຜະລິດຕະພັນອາຫານ ເພື່ອສຸຂະພາບ, ​ອັນຍະມະນີຜ້າໄໝ ແລະ ອື່ນໆ ສ່ວນນັກທຸລະກິດຈາກ  ລາວແມ່ນ​​ໄດ້ນຳເອົາຜ້າໄໝເຄື່ອງຫັດຖະກຳໄມ້ ແກະສະລັກ ​ແລະ ເຄື່ອງອັນຍະມະນີ.

ທ່ານ ປະຍຸດ ຈັນໂອຊາ​ ກ່າວຕໍ່ທີ່ປະຊຸມວ່າຕົນເອງມີຄວາມສຶກຮູ້ດີໃຈ ແລະ ເປັນກຽດຢ່າງຍິ່ງໃນງານຄັ້ງນີ້ ເພາະເປັນການຄົບຮອບ 25 ປີຂອງການສ້າງຕັ້ສາຍພົວພັນ ອາຊຽອິນເດຍ ແລະ ຄົບຮອບ 50 ປີ ຂອງວັນສ້າງຕັ້ງອາຊຽນສະນັ້ນ​, ມັນເປັນໂອກາດທີ່ສຳຄັນ ຢ່າງຍິ່ງສຳລັບຜູ້ນຳ​, ນັກທຸລະກິດ ແລະ ຫົວໜ່ວຍຜູ້ປະກອບການຈາກອາຊຽນອິນເດຍ ແລະ ບັນດາປະເທດຕ່າງໆ ໄດ້ພົບປະແລກປ່ຽນ ຄວາມຄິດຄວາມເຫັນ ແລະ ເປີດວິ​​ໄສທັດ ທີ່ໜ້າສົນໃຈນຳກັນ ເພື່ອຊຸກຍູ້ການຮ່ວມມື ດ້ານການຄ້າການລົງທຶນການທ່ອງທ່ຽວ ແລະ ອື່ນໆ ເຊິ່ງທັງໝົດນັ້ນ ຈະນຳໄປສູ່ການຍົກລະດັບ ການພັດທະນາ ເສດຖະກິດສັງຄົມການເຊື່ອມໂຍງການເຕີບໂຕ​ ​ແລະ ການພັດທະນາ ຊັບພະຍາກອມະນຸດ​ ທີ່ມີຄຸນນະພາບ ໃນຂະແໜງການອື່ນໆອາຊຽນ ແລະ ອິນເດຍ​ ຍັງໄດ້​​ເປັນພາກສ່ວນໜຶ່ງທີ່ສຳຄັນ ຕໍ່ການຊຸກຍູ້ການເຕີບໂຕ ເສດຖະກິດຂອງໂລກ.

ອີງຕາມການຂໍ້ມູນ ຂອງສອງຝ່າ​​ໃຫ້ຮູ້ວ່າກ່ອນໜ້ານີ້ການຮ່ວມມື ດ້ານການຄ້າອິນເດຍ​ ກັບ ອາຊຽນ​ ​ໃນ ລະຫວ່າງປີ 2007-2008 ມີພຽງແຕ່30 ຕື້ກວ່າໂດລາສະຫະລັດ ແຕ່ມາເຖິງປັດຈຸບັນ ໄດ້ເພີ່ມຂຶ້ນເປັນ 71 ຕື້ກວ່າໂດລາສະຫະລັດ.  ອາຊຽນເປັນຄູ່ຮ່ວມ ດ້ານການຄ້າໃຫຍ່ອັນທີ 4 ຂອງອິນເດຍແລະ ອິນເດຍເປັນຄູ່ຮ່ວມດ້ານການຄ້າ​​ໃຫຍ່ ອັນດັບທີ 7 ຂອງອາຊຽນ.

ຂຽນຂ່າວໂດຍເກີດຂວັນໃຈ ມາລີຈັນສີ (ສຳນັກຂ່າວສານປະເທດລາວ)

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...