spot_img
Homeຂ່າວພາຍ​ໃນຄົນລາວວຽງຕົກໄປຢູ່ໃສ ກໍບໍ່ລືມຄວາມເປັນລາວວຽງ

ຄົນລາວວຽງຕົກໄປຢູ່ໃສ ກໍບໍ່ລືມຄວາມເປັນລາວວຽງ

Published on

ວັນທີ 30 ກໍລະກົດ 2017ນີ້, ທ່ານ ຫລີ ບຸນຄໍ້າ, ເອກອັກຄະລັດຖະທູດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາຣາຊະອານາຈັກໄທ, ທ່ານ ບຸນສີ ວົງບົວສີ, ກົງສຸນໃຫ່ຍ ແຫ່ງ ສປປ ລາວ ປະຈຳຂອນແກ່ນ ພ້ອມຄະນະ ໄດ້ເຂົ້າຮ່ວມ ພິທີເປີດປ້າຍສ້າງຕັ້ງ ສະມາຄົມລາວວຽງ ແຫ່ງ ປະເທດໄທ ທີ່ບ້ານໜອງຄວາຍໂຊ, ອຳເພີໜອງແຊງ, ຈັງຫວັດສະຫລະບູລີ; ມີທ່ານ ບັນດິດ ທິວາຮັກ, ຜູ້ວ່າຈັງຫວັດສະຫລະບູລີ, ນາຍອຳເພີໜອງແຊງ, ດຣ ວິໄນ ພັນທຸຮັກ, ປະທານສະມາຄົມລາວວຽງ ແຫ່ງປະເທດໄທ ພ້ອມດ້ວຍຊາວໄທ ເຊື້ອສາຍລາວວຽງ ຈາກຈັງຫວັດໃກ້ຄຽງຂອງປະເທດໄທ ເຂົ້າຮ່ວມຫລາຍກວ່າ 200 ຄົນ.

ພິທີເປີດປ້າຍດັ່ງກ່າວ, ທ່ານ ຫລີ ບຸນຄໍ້າ​ ໄດ້ກ່າວສະແດງຄວາມຍ້ອງຍໍຊົມເຊີຍ ພີ່ນ້ອງຊາວໄທເຊື້ອສາຍລາວວຽງ ໃນຄວາມພະຍາຍາມບາກບັ່ນ ເພື່ອສ້າງຕັ້ງສະມາຄົມ ເຊິ່ງເປັນແຫ່ງທຳອິດໃນປະເທດໄທ ເພື່ອເປັນການເຕົ້າໂຮມຄວາມສາມັກຄີ ຂອງຊາວໄທ ເຊື້ອສາຍລາວວຽງ ທີ່ມີຢູ່ນັ້ນໃຫ້ແໜ້ນແຟ້ນຍິ່ງຂຶ້ນກວ່າເກົ່າ.

ສອງຝ່າຍ​ຍັງ​ໃຫ້ຄໍາ​ເຫັນ​ຮ່ວມ​ກັນ​ວ່າ: ສະມະຄົມລາວວຽງແຫ່ງນີ້ ເປັນສັນຍະລັກໜຶ່ງ ແຫ່ງຄວາມສຳພັນ ແລະ ຜູກພັນເປັນເວລາຍາວນານ ຂອງປະຊາຊົນສອງຊາດລາວ-ໄທ ເປັນຕົ້ນແມ່ນ ຊາວລາວວຽງ ເຊິ່ງພວກເຮົາເຫັນກັນໃນທຸກມື້ນີ້ ມີຫລາຍສິ່ງຫລາຍຢ່າງທີ່ມີເອກກະລັກທີ່ຄ້າຍຄືກັນທີ່ສຸດ, ມີຂະນົບທຳນຽມ, ຮີດຄອງປະເພນີ, ວັດທະນາທຳ, ສາສະໜາ ແລະ ມີພາສາປາກເວົ້າ ທີ່ຄ້າຍຄືກັນ.

ການສ້າງຕັ້ງສະມາຄົມແຫ່ງນີ້ ແມ່ນສ່ວນໜຶ່ງໃນການປະກອບສ່ວນ ເພື່ອເສີມຂະຫຍາຍສາຍພົວພັນຖານບ້ານພີ່ເມືອງນ້ອງ ແລະ ການຮ່ວມມືທີ່ດີຕໍ່ກັນ ລະຫວ່າງສອງປະເທດ ໃຫ້ມີການພັດທະນາ ແລະ ເຕີບໃຫ່ຍ ຢ່າງຕໍ່ເນື່ອງ ປະກອບສ່ວນສ້າງຄວາມເຂັ້ມແຂງ ໃຫ້ແກ່ປະຊາຄົມອາຊຽນອີກດ້ວຍ.

ທ່ານ ຫລີ ບຸນຄ້ຳ ຍັງສະແດງຄວາມຂອບໃຈເປັນຢ່າງສູງ ມາຍັງພີ່ນ້ອງລາວວຽງ ຈັງຫວັດສະຫລະບູລີ ໂດຍສະເພາະ ທ່ານຜູ້ວ່າຣາຊະການຈັງຫວັດ ທີ່ໃຫ້ການຕ້ອງຮັບອັນອົບອຸ່ນ ແລະ ກ່າວສະແດງຍ້ອງຍໍຊົມເຊີຍ ຕໍ່ການສ້າງຕັ້ງສະມາຄົມດັ່ງກ່າວ ເຊິ່ງໄດ້ສ່ອງແສງໃຫ້ເຫັນເຖິງຄວາມສາມັກຄີຮັກແພງ ແລະ ການປຸ້ມລຸມຕຸ້ມຫໍ່ກັນແໜ້ນໜາຂອງຊາວລາວວຽງ ຕະຫລອດໄລຍະຜ່ານມາ, ອັນພົ້ນເດັ່ນແມ່ນຍັງສາມາດຮັກສາເອກະລັກທາງວັດທະນະທໍາ, ຂະນົບທໍານຽມ ແລະ ຮີດຄອງປະເພນີດັ້ງເດີມເອົາໄວ້ໄດ້,ຂໍຮຽກຮ້ອງຈົ່ງພ້ອມກັນສືບຕໍ່ປົກປັກຮັກສາ ການພົວພັນອັນດີງາມລະຫວ່າງ ລາວ-ໄທ ເວົ້າລວມ, ເວົ້າສະເພາະ ລະຫວ່າງ ພີ່ນ້ອງລາວວຽງຂອງສອງປະເທດ ໃຫ້ນັບມື້ພັດທະນາ ແລະ ຍືນຍົງຕະຫລອດໄປ.

ໃນໂອກາດເຂົ້າຮ່ວມໃນງານຄັ້ງນີ້ ທ່ານ ຫລີ ບຸນຄ້ຳ ພ້ອມດ້ວຍຄະນະຊາວລາວວຽງ ຍັງໄດ້ເຂົ້າຮ່ວມປູກເຂົ້າແບບບູຮານ, ຢ້ຽມຊົມຫໍພິພິທະພັນຂອງຊຸມຊົນຊາວລາວວຽງ ແລະ ຮັບປະທານອາຫານທ່ຽງກັນຢ່າງສະໜິດສະໜົມອີກດ້ວຍ.

ແຫຼ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ໄຂຂຶ້ນຢ່າງເປັນທາງການ ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ, ສປປ ລາວ ສົ່ງ 39 ປະເພດກິລາ ຮ່ວມຊີງໄຊ ພ້ອມຕັ້ງເປົ້າ 5 ຫຼຽນຄຳ

ງານມະຫະກຳກິລາຊີເກມ ຄັ້ງທີ 33 ທີ່ປະເທດໄທ ເປັນເຈົ້າພາບ ໄດ້ໄຂຂຶ້ນຕອນຄໍ່າວັນທີ 9 ທັນວາ 2025 ຢູ່ສະໜາມກິລາຣາຊະມັງຄາລາກິລາສະຖານ ນະຄອນຫຼວງບາງກອກ, ໂດຍການໃຫ້ກຽດກ່າວເປີດງານຂອງສົມເດັດພະເຈົ້າຢູ່ຫົວ ມະຫາວະຊິຣາລົງກອນ ພະມະຫາກະສັດ...

ສະມາຄົມນັກຂ່າວແຫ່ງ ສປປ ລາວ ຕ້ອນຮັບຄະນະນັກຂ່າວນັກໜັງສືພິມແຫ່ງປະເທດໄທ

ຕ້ອນຮັບຄະນະຜູ້ແທນນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ ເຄື່ອນໄຫວເຮັດວຽກຢູ່ລາວ. ໃນຕອນເຊົ້າຂອງວັນທີ 4 ທັນວາ 2025, ສຳນັກຂ່າວອອນລາຍລາວໂພສກໍຄືໃນນາມສະມາຄົມນັກຂ່າວແຫ່ງ ສປປ ລາວ ໄດ້ຕ້ອນຮັບຄະນະຜູ້ແທນຈາກ ສະມາຄົມນັກຂ່າວນັກໜັງສືພິມແຫ່ງປະເທດໄທ ທີ່ເດີນທາງມາຢ້ຽມຢາມ ແລະ...

ບໍ່ສະໜັບສະໜູນ ການນນຳເຂົ້າສິລະປິນຕ່າງປະເທດ ເພື່ອມາຈັດຄອນເສີດ ໃນນະຄອນຫຼວງວຽງຈັນ ເພື່ອຮັກສາ ແລະ ສົ່ງເສີມສິລະປະວັດທະນະທໍາຂອງຊາດ

ອີງຕາມ ແຈ້ງການແນະນໍາ ຂອງພະແນກ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນສະບັບເລກທີ 1613/ວທ.ນວ ລົງວັນທີ 21 ພະຈິກ ປີ 2025 ມີດັ່ງນີ້

ປັບໄໝ 3,000,000 ກີບ/ຄັ້ງ ຖ້າບຸກຄົນໃດໂພສຂາຍສິນຄ້າອອນລາຍ ໂດຍບໍ່ແຈ້ງລົງທະບຽນທາງການຄ້າ ແມ່ນຈະຖືກປັບໄໝ ພ້ອມການກ່າວເຕືອນ, ສຶກສາອົບຮົມ ແລະ ເຮັດບົດບັນທຶກ

ຂໍ້ຕົກລົງ ວ່າດ້ວຍການປັບໃໝ ແລະ ການນໍາໃຊ້ມາດຕະການອື່ນ ຕໍ່ຜູ້ລະເມີດ ດຳລັດ ແລະ ລະບຽບການ ກ່ຽວກັບການຄ້າທາງເອເລັກໂຕຣນິກ ເລກທີ 2828/ອຄ ວັນທີ 11 ພະຈິກ...