ຮ່ອງຄວາມກົດດັນອາກາດຕໍ່າໄດ້ສືບຕໍ່ພາດຜ່ານເຂດພາກກາງຂອງປະເທດລາວ ສົມທົບກັບມໍລະສຸມຕາເວັນຕົກສ່ຽງໃຕ້ພັດປົກຄຸມ ດ້ວຍກຳລັງປານກາງ. ຊຶ່ງລັກສະນະເຊັ່ນນີ້, ຈະເຮັດໃຫ້ມີຝົນຕົກໃນລະດັບຄ່ອຍຫາປານກາງຢູ່ເຂດພາກກາງ ແລະ ພາກໃຕ້ຕື່ມອີກ.ສ່ວນ ພາຍຸ (Nesat) ຫົວທີ 9 ທີ່ກຳລັງຈະເຄື່ອນທີ່ເຂົ້າປະເທດໄຕ້ຫວັນໃນຕອນບ່າຍຂອງມື້ນີ້ ຈະບໍ່ມີຜົນກະທົບຕໍ່ປະເທດລາວ, ສຳຫຼັບຜູ້ທີ່ຈະເດີນທາງໄປປະເທດໄຕ້ຫວັນ ຂໍໃຫ້ກວດສອບສະພາບອາກາດກ່ອນອອກເດີນທາງ.
ແຫລ່ງຂ່າວ: ກົມອຸຕຸນິຍົມ ແລະ ອຸທົກກະສາດ