ລາຍງານສະພາບອາກາດປະຈຳວັນທີ ວັນທີ 28 ກໍລະກົດ 2017 ຮ່ອງຄວາມກົດດັນອາກາດຕໍ່າໄດ້ພາດຜ່ານແຂວງພາກເໜືອ ລົງຫາ ພາກກາງຂອງປະເທດລາວ, ປ່ອງເຂົ້າສູ່ລົມພາຍຸເນແສັດ (Nesat) ຫົວທີ9, ມີຈຸດໃຈກາງຢູ່ເສັ້ນຂະໜານທີ 20.0 ອົງສາເໜືອ ແລະ ເສັ້ນແວງທີ 125.8 ອົງສາຕາເວັນອອກ, ພວມເຄື່ອນທີໄປທາງທິດຕາເວັນຕົກສ່ຽງເໜືອດ້ວຍຄວາມໄວ 15 ກິໂລແມັດຕໍ່ຊົ່ວໂມງ, ສົມທົບກັບລົມມໍລະສຸມຕາເວັນຕົກສ່ຽງໃຕ້ມີກຳລັງແຮງພັດປົກຄຸມ, ຊຶ່ງລັກສະນະເຊັ່ນນີ້, ຍັງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ແລະ ຕົກໜັກເປັນບາງໂອກາດ ພ້ອມມີລົມພັດແຮງຢູ່ໃນແຂວງພາກກາງ ຫາ ພາກໃຕ້ຕື່ມອີກ. ດັ່ງນັ້ນ ຈຶ່ງຂໍແຈ້ງເຕືອນເຖິງພໍ່ແມ່ປະຊາຊົນ ທີ່ອາໄສຢູ່ໃນເຂດດັ່ງກ່າວ, ຈົ່ງສືບຕໍ່ເຝົ້າລະວັງ ແລະ ກຽມພ້ອມຮັບມືກັບສະພາບນໍ້າຖ້ວມຊຸ, ນໍ້າຖ້ວມອັ່ງ ແລະ ລົມພັດແຮງທີ່ອາດຈະເກີດຂື້ນ, ດັ່ງນັ້ນຈື່ງຂໍໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດຢ່າງເປັນປະຈໍາ.

ແຫລ່ງຂ່າວ: ກົມອຸຕຸນິຍົມ ແລະ ອຸທົກກະສາດ