ສຳນັກຂ່າວຕ່າງປະເທດ ລາຍງານໃນວັນທີ 27 ກໍລະກົດນີ້ວ່າ ອາຄານຜູ້ໂດຍສານແຫ່ງໃໝ່ (T4) ຂອງສະໜາມບິນສາກົນຊາງງີ ປະເທດສິງກະໂປ ຈະເປີດໃຫ້ບໍລິການຢ່າງເປັນທາງການພາຍໃນປີນີ້ ແມ່ນຈະນຳໃຊ້ເຕັກໂລໂລຊີຈື່ຈຳໃບໜ້າຜູ້ໂດຍສານທີ່ທັນສະໄໝ ເປັນແຫ່ງທຳອິດໃນພາກພື້ນອາຊີ ເຮັດໃຫ້ຜູ້ໂດຍສານຜ່ານອາຄານສະໜາມບິນດັ່ງກ່າວ ສາມາດຜ່ານຂັ້ນຕອນການເຊັກອິນ ໂຫລດກະເປົາ ຜ່ານດ່ານກວດຄົນເຂົ້າເມືອງ ໄປຈົນເຖິງການຂຶ້ນເຮືອບິນໂດຍສານ ແບບອັດຕະໂນມັດດ້ວຍຕົນເອງ ໂດຍບໍ່ຈຳເປັນຈະຕ້ອງມີເຈົ້າໜ້າທີ່ສະໜາມບິນ ມາເຮັດຂັ້ນຕອນຕ່າງໆໃຫ້ຫຍຸ້ງຍາກ.
ທັງນີ້ ການນຳໃຊ້ເຕັກໂນໂລຊີດັ່ງກ່າວ ແມ່ນເພື່ອແກ້ໄຂບັນຫາການຂາດແຄນແຮງງານຂອງສິງກະໂປ ຊຶ່ງຈະຊ່ວຍຫລຸດຜ່ອນການຈ້າງແຮງງານໃນໄລຍະຍາວໄດ້ 20% ແລະ ຍັງຈະຊ່ວຍເພີ່ມສັກກະຍະພາບ ຮອງຮັບຜູ້ໂດຍສານໂດຍລວມພາຍໃນປີ ເພີ່ມອີກ 16 ລ້ານຄົນ ລວມເປັນທັງໝົດ 82 ລ້ານຄົນຕໍ່ປີອີກດ້ວຍ.
