ການຮັກສາຜູ້ປ່ວຍໂຣກຊືມເສົ້າ ສາມາດເຮັດໄດ້ດ້ວຍການໄປພົບຈິດຕະແພດ ເພື່ອເຮັດການຮັກສາ ແລະ ບຳບັດໃຫ້ຫາຍດີ ແລະ ຕົວຜູ່ກ່ຽວເອງກໍ່ຄວນຮູ້ຈັກວິທີການຄວບຄຸມອາລົມຂອງຕົວເອງໃຫ້ຢູ່ໃນລະດັບທີ່ເໝາະສົມ ເພາະໂຣກຊຶມເສົ້າມັນມີຜົນເກີດມາຈາກສະພາບຈິດໃຈທີ່ອ່ອນແອ ດັ່ງນັ້ນໃນວັນນີ້ ຄໍລຳ ສຸຂະພາບ ກັບ ລາວໂພສຕ໌ ແອັດມິນເລີຍມີ 5 ວິທີຮັບມືກັບໂຣກຊຶມເສົ້າ ມາຝາກ ເຊິ່ງຈະມີວິທີໃດແນ່ນັ້ນເຮົາມາອ່ານໄປພ້ອມກັນເລີຍ
- ຕ້ອງເຂົ້າໃຈອາການຕ້ອງຮູ້ວ່າຕອນນີ້ເຮົາມາພາວະຊືມເສົ້າຢູ່ ແລະ ເລີ່ມມີອາການແບບນີ້ມາຕັ້ງແຕ່ເມື່ອໃດແລ້ວ ແລະ ສາເຫດຂອງອາຫານຊືມເສົ້າເກີດມາຈາກເລື່ອງໃດ ເມື່ອເຮົາເຂົ້າໃຈໃນຈຸດນີ້ເຮົາຕ້ອງພະຍາຍາມຫຼີກລ່ຽງທີ່ຈະໄປຄິດເລື່ອງທີ່ເຮັດໃຫ້ຕົວເອງກຸ້ມໃຈ
- ຢ່າກົດດັນຕົວເອງຢ່າຝືນຢ່າບັງຄັບໃນສິ່ງທີ່ມັນຍາກສຳລັບຕົວເອງ ຫຼື ສິ່ງທີ່ມັນໄກກັບຕົວເອງຫຼາຍ
- ຢ່າເກັບຕົວຢູ່ຄົນດຽວໝັ່ນອອກໄປຫຼິ້ນນຳເພື່ອນຝູງແນ່ກໍ່ເປັນການເປີດຫູເປີດຕາສະໝອງຜ່ອນຄາຍໄປໃນຕົວ
- ຢ່າຄິດຫຼາຍ ພະຍາຍາມທຳໃຈໃຫ້ສະບາຍພະຍາຍາມຄິດໃຫ້ງ່າຍຂຶ້ນບໍ່ຕ້ອງຄິດຊັບຊ້ອນຫຼາບ ແມ່ນຫຍັງຈະເກີດກໍ່ໃຫ້ມັນເກີດ
- ດູແລສຸຂະພາບຈິດ ແລະ ສຸຂະພາບຮ່າງກາຍໃຫ້ແຂງແຮງ ເພາະສອງສິ່ງນີ້ຈະເປັນພູມຄຸ້ມກັນຊັ້ນດີຊ່ວຍໃຫ້ທ່ານຫຼີກລ່ຽງອາການຊຶມເສົ້າໄດ້