ຂປລ. ປັດຈຸບັນກະສິກອນທົ່ວແຂວງບໍລິຄຳໄຊ ກຳລັງຂຸ້ນຂ້ຽວປັກດຳເຂົ້ານາປີ ຢ່າງເປັນຂະບວນຟົດຟື້ນ ເພື່ອໃຫ້ທວງທັນຕາມລະດູການ ໂດຍຈະໃຫ້ສຳເລັດໃນທ້າຍເດືອນກໍລະກົດ 2017 ນີ້ ເຊິ່ງມີເນື້ອທີ່ນາປີທັງໝົດ 37.254 ເຮັກຕາ ແລະ ສາມາດປັກດຳສຳເລັດແລ້ວ ປະມານ 30.180 ກວ່າເຮັກຕາ ເທົ່າກັບ 81.01% ໃນນີ້ມີນາດຳປະມານ 25.000 ກວ່າເຮັກຕາ, ນາຫວ່ານ ເກືອບ 5.000 ເຮັກຕາ.
ໄປພ້ອມໆກັນນີ້, ກະສິກອນຍັງໄດ້ຜະລິດພືດລະດູຝົນໃນເນື້ອທີ່ 15.400 ເຮັກຕາ ເຊິ່ງປັດຈຸບັນສາມາດປະຕິບັດສຳເລັດແລ້ວ 6.704 ເຮັກຕາ ໂດຍສະເພາະແມ່ນປູກສາລີຫວານ, ສາລີແຂງ, ອ້ອຍ, ກ້ວຍ, ມັນຕົ້ນ ແລະ ພືດຜັກສະອາດຈຳນວນໜຶ່ງ ທີ່ສາມາດປູກ ເພື່ອບໍລິໂພກໃນຄອບຄົວ ແລະ ຈຳໜ່າຍຕາມທ້ອງຕະຫລາດ.
ແຫລ່ງຂ່າວ: ຂປລ