ເຮືອບິນ ແລະ ເຮລິຄອບເຕີ້ຂອງກອງທັບອູແກຣນ ຖືກກຸ່ມແບ່ງແຍກດິນແດນຍິງຕົກ ໃນມື້ວັນພຸດ (20 ສິງຫາ)
ຜ່ານມານີ້ ເຊິ່ງຍັງບໍ່ຮູ້ຊາຕາກຳຂອງຜູ້ທີ່ຢູ່ໃນເຮືອບິນ.
ສຳນັກຂ່າວຕ່າງປະເທດລາຍງານ ໃນວັນທີ 21 ສິງຫາ ນີ້ວ່າ ໃນມື້ວັນພຸດ 20 ສິງຫາ 2014 ເຮືອບິນຮົບ SU-25 ແລະ
ເຮລິຄອບເຕີ ມີ-24 ຂອງກອງທັບອູແກຣນ ຖືກຍິງຕົກດ້ວຍລະບົບຕໍ່ສູ້ອາກາດສະຍານເຄື່ອນທີ່ ໃນແຂວງລູຮານ
ທາງພາກຕາເວັນອອກຂອງປະເທດ ໂດຍກຸ່ມແບ່ງແຍກດິນແດນ ທີ່ເອີ້ນຕົນເອງວ່າ ກອງທັບຕາເວັນອອກສ່ຽງໃຕ້
ໄດ້ອອກມາອ້າງເປັນຜູ້ຢູ່ເບື້ອງຫຼັງຂອງເຫດການດັ່ງກ່າວນີ້.
ມີລາຍງານອີກວ່າ ເຮລິຄອບເຕີ ມີ-24 ອີກລຳໜຶ່ງ ໃນແຂວງລູຮານ ກໍຖືກຍິງອີກ ແຕ່ຍັງບໍ່ທັນຊັດເຈນວ່າ ເຮລິຄອບ
ເຕີ້ລຳດັ່ງກ່າວຖືກຍິງຈົນຕົກ ຫຼື ບໍ່ ເຊິ່ງກ່ອນໜ້ານີ້ໃນວັນອາທິດ ທີ 17 ສິງຫາ 2014 ຜ່ານມາ ເຮືອບິນຮົບລຳໜຶ່ງຂອງ
ອູແກຣນ ກໍຫາກໍຖືກຍິງຕົກໃນແຂວງລູຮານເຊັ່ນດຽວກັນ ແຕ່ນັກບິນສາມາດດີດໂຕອອກຈາກເຮືອບິນໄດ້ຢ່າງປອດ
ໄພ.
ທັງນີ້ ການຕໍ່ສູ້ໃນພາກຕາເວັນອອກຂອງອູແກຣນ ເຊິ່ງໄດ້ເລີ່ມຕົ້ນຈາກການປະທ້ວງທາງການເມືອງ ທີ່ເກີດຂຶ້ນຈາກ
ຄວາມຂັດແຍ່ງລະຫວ່າງຝ່າຍທີ່ສະໜັບສະໜູນຣັດເຊຍ ແລະ ອີກຝ່າຍນິຍົມສະຫະພາບເອີລົບ ໃນໄລຍະທ້າຍປີກາຍນີ້
ໄດ້ບານປາຍກາຍເປັນສົງຄາມພາຍໃນ ເຮັດໃຫ້ມີຜູ້ເສຍຊີວິດແລ້ວ ຫຼາຍກ່ວາ 2 ພັນຄົນ ແລະ ບາດເຈັບເກືອບ 5 ພັນ
ຄົນ.