ສຳນັກຂ່າວຣອຍເຕີ້ ລາຍງານໃນວັນທີ 9 ກໍລະກົດຜ່ານມານີ້ວ່າ ອົງການຢູເນສໂກ (UNESCO) ຂອງສະຫະປະຊາຊາດ ໄດ້ຂຶ້ນທະບຽນຜາສາດຫີນໂບໄພກຸກ ຕັ້ງຢູ່ແຂວງກຳປົງທົມ ຫ່າງຈາກນະຄອນຫລວງພະນົມເປັນ ໄປທາງທິດເໜືອປະມານ 206 ກິໂລແມັດ ເປັນມໍລະດົກໂລກແຫ່ງທີ 3 ຂອງກຳປູເຈຍແລ້ວ ໂດຍລະບຸວ່າ ພື້ນທີ່ດັ່ງກ່າວຄືເມືອງອິສານປຸຣະ ເມືອງຫລວງຂອງອານາຈັກເຈນລະ ອາລະຍະທຳຂອມທີ່ຈະເລີນຮຸ່ງເຮືອງ ໃນທ້າຍສະຕະວັດທີ 6 ເຖິງຕະສະວັດທີ 7.
ທັງນີ້ ການປະກາດຂຶ້ນທະບຽນດັ່ງກ່າວ ໄດ້ເຮັດໃຫ້ກຳປູເຈຍມີແຫລ່ງມໍລະດົກໂລກລວມ 3 ແຫ່ງ ໂດຍສອງແຫ່ງທຳອິດແມ່ນ ຜາສາດຫີນນະຄອນວັດ ແລະ ຜາສາດຫີນພະວິຫານ ຊຶ່ງຖືກຂຶ້ນທະບຽນໃນປີ 2004 ແລະ ປີ 2008 ຕາມລຳດັບ.
.