ສຳນັກຂ່າວຣອຍເຕີ້ ລາຍງານໃນວັນທີ 7 ກໍລະກົດນີ້ວ່າ ຫວຽດນາມ ຜູ້ຜະລິດເຂົ້າລາຍໃຫຍ່ອັນດັບ 3 ຂອງໂລກ ໄດ້ວາງແຜນທີ່ຈະເພີ່ມການຜະລິດເຂົ້າຄຸນນະພາບສູງ ແລະ ວາງເປົ້າຈຳໜ່າຍນອກພາກພື້ນອາຊີໃຫ້ຫລາຍຂຶ້ນ, ແຜນການດັ່ງກ່າວລະບຸວ່າ ຫວຽດນາມຈະຜະລິດເຂົ້າຄຸນນະພາບສູງປະສົມເຂົ້າຫັກ 5% ແລະ 10% ແລ້ວຫລຸດການຜະລິດເຂົ້າປະສົມເຂົ້າຫັກ 15% ລົງ ພ້ອມຕັ້ງເປົ້າເພີມມູນຄ່າການສົ່ງອອກເຂົ້າຂອງປະເທດ ໃຫ້ໄດ້ 2.3 – 2.5 ຕື້ໂດລາຕໍ່ປີ ໃນລະຫວ່າງປີ 2021-2030.

ໃນປີ 2030 ຫວຽດນາມຍັງວາງແຜນຈະສົ່ງອອກເຂົ້າ ໄປຍັງປະເທດຕ່າງໆໃນພາກພື້ນອາຊີ ໃຫ້ເຫລືອພຽງແຕ່ 50% ຈາກອັດຕາສ່ວນ 60% ໃນປີ 2020, ສ່ວນທະວີບອາຟຣິກາ ຈະເພີ່ມອັດຕາສ່ວນການສົ່ງອອກ ຈາກ 22% ເປັນ 25%, ທະວີບອາເມຣິກາ ເພີ່ມຂຶ້ນຈາກ 8% ເປັນ 10% ແລະ ສົ່ງຂາຍໃນເອີຣົບ ເພີ່ມຈາກ 5% ເປັນ 6%.