ເມື່ອວັນທີ 26 ມິຖຸນາ 2017 ບີບີຊີລາຍງານວ່າ ເກີດເຫດເຮື່ອລົ່ມທີ່ທາງພາກເໜືອຂອງປະເທດໂຄລັມເບຍ ຂະນະບັນທຸກຜູ່ໂດຍສານ 150 ຄົນ ເຈົ້າໜ້າທີ່ພົບຮ່າງຜູ່ເຄາະຮ້າຍແລ້ວຢ່າງໜ້ອຍ 6 ຄົນ ສູນຫາຍ 31 ຄົນ
ປະທານາທິບໍດີ ໂຄລັມເບຍ ຟ້າວເດີນທາງໄປພື້ນທີ່ເກີດເຫດເພື່ອສັ່ງໃຫ້ເລັ່ງກູ້ໄພ ແລະ ສອບສວນຫາສາເຫດ ທັງນີ້ຍັງມີຂໍ້ມູນບໍ່ຊດເຈນວ່າສາເຫດເກີດຈາກຫຍັງ ຂະນະທີ່ຊາວບ້ານໃນເຂດນັ້ນໄດ້ກ່າວວ່າເຮືອຄັນດັ່ງກ່າວເຄີຍລົ່ມມາແລ້ວສອງເທື່ອ ແຕ່ກໍ່ຖືກສ້ອມແປງ ແລະ ນຳມາໃຊ້ໃໝ່ອີກຄັ້ງ