ສຳນັກຂ່າວຕ່າງປະເທດລາຍງານຈາກນະຄອນຫຼວງ ປາຣີສ ປະເທດຝຣັ່ງ ເມື່ອວັນທີ 20 ມິຖຸນາ 2017ວ່າ ຜູ່ອຳນວຍການຝ່າຍປະຕິບັດການສຳນັກງານອາວະກາດຢຸໂຣບ (ອີເອສເອ) ເປີດເຜີຍຕໍ່ຜູ່ສື່ຂ່າວໃນງານສະແດງສະຖານີອາວະກາດນານາຊາດປາຣີສວ່າ ຂໍໃຫ້ປະເທດຕ່າງໆຊ່ວຍເປີດເຜີຍຂໍ້ມູນກ່ຽວກັບຂີ້ເຫຍື້ອອາວະກາດເຊິ່ງມີຫຼາຍແສນສິ້ນ ມີຢູ່ບ່ອນໃດແດ່ ເພາະພວກມັນທຽບໄດ້ກັບລະເບີດເວລາທີ່ກຳລັງທຳງານເຊິ່ງອາດເປັນອັນຕະລາຍຕໍ່ຍານອາລະກາດທີ່ໂຄຈອນຮອບໂລກໃນເວລານີ້.
ມີພຽງສະຫະລັດອາເມລິກາ ກັບ ປະເທດໃນຢຸໂຣບເທົ່ານັ້ນທີ່ຍັງຄົງຕິດຄ້າງຂໍ້ມູນກ່ຽວກັບຂີ້ເຫຍື້ອອາວະກາດເຫຼົ່ານີ້ ສາເຫດສ່ວນໜຶ່ງເພາະກັງວົນວ່າ ຫາກເປີດເຜີຍຂໍ້ມູນໄປແລ້ວອາດກະທົບຕໍ່ຍຸດທະສາດ ແລະ ຄວາມລັບທາງການທະຫານ.
ຜູ່ອຳນວຍການອີເອສເອກ່າວເພີ່ມອີກວ່າ ຂະນະນີ້ມີຂີ້ເຫຍື້ອອາວະກາດປະມານ 750,000 ສິ້ນທີ່ລອຍຢູ່ໃນວົງໂຄຈອນ ສາເຫດທີ່ມີຈຳນວນນັ້ນເປັນເພາະເກີດການລະເບີດຂອງດາວທຽມ ແລະລຳຕົວຈະຫຼວດທີ່ບໍ່ໄດ້ໃຊ້ງານແລ້ວ ແຕ່ຕົວເລກຂີ້ເຫຍື້ອອາວະກາດອາດເພີ່ມເປັນ 1.2 ລ້ານສິ້ນພາຍໃນປີ 2029 ນອກຈາກນັ້ນຍັງມີຂີ້ເຫຍື້ອຫຼາຍສິ້ນທີ່ເປັນຂີ້ເຫຍື້ອອາວະກາດຂະໜາດໃຫຍ່ ແຕ່ຄວບຄຸມ ຫຼື ໃຊ້ງານບໍ່ໄດ້ ແຕ່ສຳລັບອາວະກາດ ຫຼື ດາວທຽມຍັງໃຊ້ງານໄດ້ຢູ່ ຮວມເຖິງສະຖານນີອາວະກາດນານາຊາດນັ້ນ ມີຈຳນວນ 1,500 ລຳ
ທັງນີ້ ສະຫະັລດອາເມລິກາໄດ້ເຮັດການທຳລາຍກ່ຽວກັບຂີ້ເຫຍື້ອເຊິ່ງມີຢູ່ 20,000 ສິ້ນ ສ່ວນຢຸໂຣບເຊິ່ງໝາຍເຖິງສຳນັກງານອາວະກາດຢຸໂຣບ ແລະ ຊາດຕ່າງໆໃນຢຸໂຣບໄດ້ເຮັດການທຳລາຍໄວ້ແລ້ວຢ່າງໜ້ອຍ 10,000 ສິ້ນ