ຜູ່ທີ່ອອກກຳລັງກາຍຕອນເຊົ້າມີແນວໂນ້ມວ່າຈະໄດ້ຮັບປະໂຫຍດຫຼາຍຢ່າງທ່າມກາງແສງແດດຕອນເຊົ້າ ແຕ່ການອອກກຳລັງກາຍໃນຕອນເຊົ້າແມ່ນຈະບໍ່ສອດຄ່ອງກັບຕາລາງເວລາໂມງເຮັດວຽກຂອງທ່ານ ຕາມສະຖິຕິຂອງ Jawbone ບອກວ່າຫົກໂມງແລງຄືຊ່ວງເວລາທີ່ເໝາະສົມໃນການແລ່ນ ການຝຶກກ້າມເນື້ອ ແລະ ການເຕັ້ນແອໂລບິກ ໃນຄໍລຳສຸຂະພາບ ມື້ນີ້ເຮົາມາອ່ານເຫດຜົນວ່າເປັນຫຍັງຈິ່ງຄວນອອກກຳລັງໃນຕອນແລງກັນດີກວ່າ

1. ໄດ້ຮັບປະສິດທິພາບໄວຂຶ້ນ
ການວິໄຈພົບວ່າໃນຕອນຫົວຄ່ຳເຮົາສາມາດອອກກຳລັງກາຍໄດ້ດົນຂຶ້ນ 20% ແລະ ມີປະສິດທິພາບສູງສຸດ 11 ຊົ່ວໂມງ ສ່ວນຜູ່ທີ່ອອກກຳລັງກາຍໃນຕອນເຊົ້າຈະມີປະສິດທິພາບສູງສຸດທີ່ປະມານ 6 ຊົ່ວໂມງ ດັ່ງນັ້ນເມື່ອທ່ານໄດ້ອອກກຳລັງກາຍດົນຂຶ້ນ, ໜັກຂຶ້ນ ແລະ ແຮງຂຶ້ນ ທ່ານຈະເຫັນຜົນໄດ້ຂຶ້ນເຊັ່ນດຽວກັນ.

2. ກ້າມເນື້ອກະຊັບໄວຂຶ້ນ
ໃນຊ່ວງເວລາໃນການຝຶກ ແລະ ສ້າງກ້າມເນື້ອຄືຊ່ວງເວລາຕອນຫົວຄ່ຳ ເພາະເປັນຊ່ວງທີ່ຮໍໂມນເພດເຊິ່ງກຳລັງປັ່ນປ້ວນກໍ່ຈະສົ່ງໃຫ້ການອອກກຳລັງກາຍໃນຕອນແລງມີປະສິດທິພາບຫຼາຍຂຶ້ນ ລະດັບຄໍຣຕິຊໍໃນຕອນເຊົ້າຈະລະງັບການຈະເລີນເຕີບໂຕຂອງກ້າມເນື້ອ ແຕ່ລະດັບເທສໂທສເຕີໂຮນທີ່ເພີ່ມຂຶ້ນໃນຕອນແລງຈະຊ່ວຍເສີມສ້າງແທນ

3. ນອນຫຼັບງ່າຍຂຶ້ນ
ຫຼັງຈາກອອກກຳລັງດົນປະມານ 90 ນາທີ ທ່ານຈະຮູ້ສຶກຜ່ອນຄາຍ ແລະ ເມື່ອໄປນອນກໍ່ຮູ້ສຶກວ່ານອນຫຼັບງ່າຍຂຶ້ນ ກວ່າຄົນທີ່ອອກຳລັງກາຍໃນຕອນເຊົ້າ

ສຳລັບຜູ່ທີ່ອອກກຳລັງກາຍໃນຕອນເຊົ້າເປັນປະຈຳກໍ່ລອງປ່ຽນເວລາມາອອກກຳລັງກາຍໃນຕອນແລງເບິ່ງ ແລ້ວທ່ານຈະຮູ້ວ່າຜົນໄດ້ຮັບນັ້ນມັນດີແນວໃດ