ສຳນັກຂ່າວເອພີລາຍງານຈາກແຫຼມ ຄານາຣັລ ລັດຟໍຣິດາ ປະເທດສະຫະລັດອາເມລິກາ ເມື່ອວັນທີ 8 ມິຖຸນາ 2017 ວ່າ ຮອງປະທານາທິບໍດີໄມຄ໌ ເພນຊ໌ ຂອງສະຫະລັດ ເຂົ້າຮ່ວມການປະກາດຜົນການຄັດເລືອກ ນັກບິນອາວະກາດສະຫະລັດປີ 2017 ທີ່ສູນອາວະກາດຈອນສັນ ໃນເມືອງ ຮິວສະຕັນ ລັດເທກຊັສ ເມື່ອວັນພຸດທີ່ຜ່ານມາ ໂດຍເຈົ້າໜ້າທີ່ໄດ້ເປີດເຜີຍວ່າ ມີຜູ່ສົນໃຈຍື່ນໃບສະໝັກເຂົ້າຮ່ວມການຄັດເລືອກເປັນນັກບິນອາວະກາດຂອງນາຊາ ໃນປີນີ້ຫຼາຍກວ່າ 18,300 ຄົນ ເຊິ່ງນັບວ່າເປັນສະຖິຕິທີ່ສູງເປັນ 2 ເທົ່າ
ນັກບິນອາວະກາດຊຸດໃໝ່ຂອງນາຊ່າ ປະກອບດ້ວຍຜູ່ຊາຍ 7 ຄົນ ແລະ ແມ່ຍິງ 5 ຄົນ ທີ່ຜ່ານການຄັດເລືອກຮອບສຸດທ້າຍ ເຊິ່ງຈະເປັນນ້ອງໃໝ່ເຂົ້າຮ່ວມງານກັບນັກບິນອາວະກາດຂອງນາຊ່າທີ່ມີຢູ່ໃນຕອນນີ້ 44 ຄົນ
ຫຼັງຈາກຝຶກອົບຮົມເປັນເວລາ 2 ປີ ນັກບິນອາວະກາດຊຸດໃໝ່ອາດໄດ້ຂັບຂີ່ຈະຫຼວດພານີຊ ເດີນທາງໄປສູ່ສະຖານີ້ອາວະກາດນານາຊາດ (ໄອເອສເອສ) ຫຼື ເດີນທາງໄປໄກກວ່າດວງຈັນ ກັບຍານສຳຫຼວດ “ອໍຣຽນ” ຂອງນາຊ່າ ເຊິ່ງເປົ້າໝາຍສຸດທ້າຍອາດຢູ່ທີ່ດາວອັງຄານ.
https://youtu.be/w8jvVH76Tu0
ວິດີໂອຈາກ: Wochit News