ດັ່ງທີ່ຮູ້ນຳກັນແລ້ວວ່າ ໃນວັນທີ 3 ສິງຫາ 2014 ເວລາ 16:30 ໂມງ (ຕາມເວລາທ້ອງຖິ່ນ) ຢູ່ເມືອງຫຼູຕ້ຽນ ນະຄອນ
ຈາວທົງ ແຂວງຢູນານ ສປ ຈີນ ໄດ້ເກີດແຜ່ນດິນໄຫວຢ່າງຮ້າຍແຮງໃນຮອບ 100 ປີ ອັນໄດ້ສ້າງຄວາມເສຍຫາຍ
ແກ່ຊີວິດ ແລະ ຊັບສິນຂອງປະຊາຊົນຈີນເປັນຈຳນວນຫຼວງຫຼາຍ ມີຄົນເສຍຊີວິດຫຼາຍກວ່າ 600 ຄົນ ຫາຍສາບສູນ
ຫຼາຍກວ່າ 100 ຄົນ ບາດເຈັບຫຼາຍກວ່າ 3.000 ຄົນ ເຮືອນຊານບ້ານຊ່ອງ ພື້ນຖານໂຄງລ່າງ ເຊັ່ນ: ລະບົບໄຟຟ້າ ນ້ຳ
ປະປາ ຖະໜົນຫົນທາງ ລະບົບສື່ສານ ແລະ ອື່ນໆຖືກທຳລາຍຢ່າງໜັກໜ່ວງ.
ໃນວັນທີ 15 ສິງຫາ 2014 ທີ່ຜ່ານມາ ທີ່ໂຮງແຮມແລນມາກ ທາງສະມາຄົມມິດຕະພາບລາວ-ຈີນ ກໍ່ຄືລັດຖະບານ
ລາວ ໄດ້ຈັດງານປຸກລະດົມທຶນເພື່ອຊ່ວຍເຫຼືອປະຊາຊົນຈີນ ທີ່ຖືກໄພພິບັດແຜ່ນດິນໄຫວ ໂດຍມີທ່ານ ທອງລຸນ ສີສຸ
ລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດ ທ່ານ ດຣ. ສິນລະວົງ ຄຸດໄພທູນ ເຈົ້າ
ຄອງນະຄອນຫຼວງວຽງຈັນ ທັງເປັນປະທານສະມາຄົມມິດຕະພາບລາວ-ຈີນ ທ່ານ ກວນຫົວປິງ ເອກອັກຄະລັດຖະ
ທູດຈີນ ປະຈຳລາວ ພ້ອມດ້ວຍບັນດາທ່ານຫົວໜ້າ ຮອງຫົວໜ້າພະແນກ ແລະ ບັນດາບໍລິສັດຫ້າງຮ້ານ ນັກທຸລະກິດ
ແລະ ພາກສ່ວນຕ່າງໆ ໄດ້ເຂົ້າມາຮ່ວມບໍລິຈາກເງິນ ໂດຍສາມາດສະຫຼຸບຍອດເງິນໃນການຊ່ວຍເຫຼືອ ໄດ້ເງິນກີບ
ຈຳນວນ 304.122.000 ກີບ ເງິນໂດລາສະຫະລັດ ຈຳນວນ 170.100 ໂດລາສະຫະລັດ ແລະ ເງິນບາດ 60.000 ບາດ.
ແຫຼ່ງຂ່າວ: http://vientianemai.net/teen/khao/1/12465