spot_img
Homeຂ່າວທ້ອງຖິ່ນການນຳລາວຮ່ວມເຊັນປື້ມ ໄຫວ້ອາໄລ ໃນເຫດການລະເບີດແຕກ ທີ່ ອັງກິດ

ການນຳລາວຮ່ວມເຊັນປື້ມ ໄຫວ້ອາໄລ ໃນເຫດການລະເບີດແຕກ ທີ່ ອັງກິດ

Published on

​ໃນວັນ​ທີ 25 ພຶດສະພາ 2017 ຢູ່​ ສະຖານທູດ​ອັງກິດ ປະຈຳ​ລາວ ທ່ານ ​ແສງ​ເພັດ ຮຸ່ງ​ບຸນ​ຍວງ ຮອງ​ລັດຖະມົນຕີ ​ກະຊວງ​ການ​ຕ່າງປະ​ເທດ ​ໄດ້​ເຂົ້າ​ຮ່ວມ​ເຊັນ​ປື້​ມ​ໄຫວ້​ອາ​ໄລ ຕໍ່​ກັບ​ເຫດການ​ສະຫຍອງ​ຂວັນ ທີ່​ເປັນ​ຍ້ອນ​ລະ​ເບີດ​ແຕກ ​ໃນ​ຕອນ​ແລງ​ ວັນ​ທີ 22 ພຶດສະພາ 2017 ທີ່ ​ເມືອງ ​ແມນ​ເຊ​ສ​ເຕີ ສະຫະຣາຊະ​ອານາຈັກ ອັງກິດ ​ແລະ ອຽກລັງ​ເໜືອ.

​ເນື້ອ​ໃນ​ປື້​ມ​ໄຫວ້​ອາ​ໄລລະບຸ​ວ່າ: ພວກ​ຂ້າພະ​ເຈົ້າ ​ໄດ້​ຮັບ​ຊາບ​ຂ່າວ ດ້ວຍ​ຄວາມ​ເສົ້າ​ໂສກ ກ່ຽວ​ກັບ​ເຫດ ການ​ສະຫຍອງ​ຂວັນ ທີ່​ເປັນ​ຍ້ອນ​ລະ​ເບີດ​ແຕກ ທີ່​ເ ມືອງ​ແມນ​ເຊ​ສ​ເຕີ ສະຫະຣາຊະ​ອານາຈັກ ອັງກິດ ​ແລະ ອຽກ ລັງ​ເໜືອ ​ໃນ​ຕອນ​ແລງ​ຂອງ​ວັນ​ທີ 22 ພຶດສະພາ 2017 ​ເຊິ່ງ​ເຮັດ​ໃຫ້​ມີ​ຜູ້​ເສຍ​ຊີວິດ 22 ຄົນ ​ແລະ ບາດ​ເຈັບ 59 ຄົນ.

ໃນ​ນາມ​ລັດຖະບານ ​ແຫ່ງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ  ​ແລະ ປະຊາຊົນ​ລາວ, ພວກ​ຂ້າພະ​ເຈົ້າ​ ຂໍ​ສະ​ແດງ​ຄວາມ​ເສົ້າ​ສະຫລົດ​ໃຈ ​ແລະ ສະ​ແດງ​ຄວາມ​ເຫັນ​ໃຈ​ຢ່າງ​ສຸດ​ຊຶ້ງ ມາ​ຍັງ​ລັດຖະບານ​ ແຫ່ງ ສະ​ຫະຣາຊະ​ອານາຈັກ ອັງກິດ ​ແລະ ອຽກລັງ​ເໜືອ ​ແລະ ປະຊາຊົນ​ອັງກິດ ກໍ​ຄື​ ຄອບຄົວ​ຂອງ​ຜູ້​ທີ່​ໄດ້​ຖືກ​ເຄາະ​ຮ້າຍ ຈາກ​ເຫດການ​ດັ່ງກ່າວ.

ສປປ ລາວ ກ່າວ​ປະນາມ​ຢ່າງ​ແຂງ​ແຮງ ຕໍ່​ການ​ກະທຳ​ດັ່ງກ່າວ ຂອງ​ກຸ່ມ​ກໍ່ການ​ຮ້າຍ ທີ່​ຕ້ານ​ກັບ​ສະ ຫະຣາຊະ​ອານາຈັກ ອັງກິດ ​ແລະ ​ອຽກລັງ​ເໜືອ ​ແລະ ພ້ອມ​ທີ່​ຈະ​ຮ່ວມ​ມື​ກັບ ວົງ​ຄະນະ​ຍາດສາ​ກົນ​ ​ໃນ​ການ​ຕ້ານ​ກັບ​ການ​ກໍ່​ການ​ຮ້າຍ​ໃນ​ທຸກ​ຮູບ​ແບບ.

ຮຽບຮຽງຂ່າວໂດຍ: ກິດ​ຕາ
ພາບປະກອບໂດຍ​: ສະຫວາດ
ແຫລ່ງຂ່າວ: www.kpl.gov.la

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...